mercoledì 12 settembre 2012

1958 .. anno di grazia e di buoni prodotti..














1958.. 13 de cabidanni

Lussorio Cambiganu

Su millenoighentoschimbantotto,
sun battor de mi poder giogare
numeros bonos pro puntar’ a su loto
e poder pustis sos annos contare.
Chin su tesoro fundamentas coto
pro poder pustis inie ballare,
ma solu si mi restat sa fortuna
de su saludu, sa paghe e bona luna.

Paola Black

Su millenoighentoschimbantotto
naschid'in Cabidann'est in Patada
su treigh'a de die lentorada
sa Musa l'at abertu su cappotto,
bessidu nd'est Pilisu chi l'annotto
mancari no bi fia appostada...
...ca degh'annos prus tardu so naschida
pro 'more de sa Musa preferida...

Lussorio Cambiganu

Est beru.. chi pustis ses naschida
degh’ annos ti so ‘istadu apitu,
ma luego  as cumpridu sa vida
dendeli cantos e a sa morte  atitu.
Dae altu como ‘ue ses arrivida
ides s’ aurora, inie faghes abitu,
mi cambias numen’ e connotadu
de triuladore tue m’ as numenadu.

Paola Black
---
Talìa già t'at tentu a batizu
ca fidi su caminu sinnaladu
de rimas e de versos impedradu
e gasi t'at pesad' amadu fizu,
che frore prezios'innidu lizu
a como chi ses poet'affirmadu...
...e sigat a sa man'a t'agganzare
finas a sos chent'annos che colare...

Lussorio Cambiganu

It’ est su tempus .. si no  cuss’ ammentu
de cosas  chi pienan  sa pessone,
chi podet narrer: “in palt’apo tentu”
ateru  passad’ est chena rejone.
Est sa trascia, s’ abba e su ‘entu
chi  lassat postu a  sa bell’ istajone,
est   cussu  chi nois namus  edade
ch' at solu sensu.. passadu in veridade,,!!

Paola Black
-----
Oe chi già m'intendo zenerosa
prus de chentu ti cherz'augurare,
e in salud' e fortuna passare
sa vida chi as in sorte donosa,
sighinde custu log' a pilisare
si no t'andat prezisa carchi cosa...
...cun forza et enerzia bastante
dae oe totta vida custante...

Lussorio Cambiganu

sos gratzies so torrende unu a unu
forzis treghentos sun a los contare
dadu chi tropos  pro sos annos sunu
mi bastat  in dinari 'e lu contare
nessi pro fagher cuntentu calecunu
chi at bisonzu d' estire e manigare
a bois tot' impare una pregunta:
"pregadoria bos fato a manu junta"

Nessun commento:

Posta un commento