venerdì 6 luglio 2012

unu poeta pro amigu











Si as unu poeta pro amigu  (Lussorio Cambiganu)

Si  as unu  poeta pro amigu
muntenelu  caru  chei s’oro,
si in sa poesia  l’ as sighidu
ti leget  sas penas de su coro,
rendendelas   ispigas de trigu
indeoradas che menzus tesoro,
lis dat unu motivu.. una zertesa
chi totu podet essere bellesa.

De s’amistade nde faghet  sienda
chi tenet  in sa vena  remonida,
pustis  la coglit in manu che prenda
e li dat  un’ ispinta  pro s’ essida.
In chelu pigat e paret ch' azendat
comente un’ istella  mai ‘ida,
totu sos astros li curren in tundu
illuminende  garreras de  mundu

Poeta no est omine perfetu
comente no lu est peruna cosa,
fin’ isse at virdude e difetu
de matul’ est sa menzus rosa.
De paga cosa nde faghet diletu
e affanos che ponet in sa losa,
no esistit  poesia chena poeta
ca musa sol’ a isse est direta.

10 commenti:

  1. Un poeta per amico

    Se hai un poeta per amico
    Tienilo caro come l’oro,
    se l’ hai seguito nella poesia
    ti legge le pene del cuore,
    le rende spighe di grano
    dorate come il miglior tesoro,
    ti da un motivo… una certezza
    che tutto può divenir bellezza

    RispondiElimina
  2. Paola Black ‎---

    Si asa pro amig' unu poete
    cunfida chi mai t'agattas solu,
    dae terra o cun alas a bolu
    ti sighit semper lestru che coete;
    de vidas ti nde dat Noe, no sete,
    cantu sas Musas pro dogna cunsolu...
    ...Nott' e die t'istat sempre affacca
    ca est amigu e mai si nd'istraccat...


    Francesco Masia

    Cantu est bellu aer amigu unu poeta
    che cussu non s’in’ d’agattada de aberu
    est s’essere pius affidabile e sintzeru
    cun durches peraulas già t’appretta
    e cumpensu materiale non s’isetta
    ma alitu de anima pius letzeru
    e cando iscriede ottada o sestina
    ti ninnada che romantica unda marina

    a mie chi m’est toccada cussa meighina
    e ontzi die bos’accudo poetende
    carchi orta pianghende e suffrende
    comente incotzolada marighina
    ma sa bostra risposta pius carina
    mi torrada a bidere pius riende
    chie in sa vida ada pius ricchesa
    de a mie chi appo incappadu bostra bellesa???


    Natale E Ornella Tamponi ‎#

    Chi unu poete amigu t'este
    no timas bentos malos e tempesta
    ca s'azudu zelante ti lu presta
    ti succurret in dogni ratz' 'e peste
    e no lassat chi s'animu t'infeste
    prit' a sos paladinos est in testa.
    Si gherrat e affrontada pro tene
    su peus dann' e triunfat su bene#


    Paola Black ‎---

    Cussa lughe mai s'at istudare
    cand'a chelu si che torrat azzesa
    da' chi dae fungut' at fattu presa
    manc'a mortu l'ettant dae s'altare
    che candela etern'at a durare
    ub'at tentu naschidura s'intesa...
    ...tra poetes e amigos semper s'istat
    ca sas lacanas de tempus conchistat...

    RispondiElimina
  3. Un poeta per amico (Lussorio Cambiganu)

    Se hai un poeta per amico
    Tienilo caro come l’oro,
    se l’ hai seguito nella poesia
    ti legge le pene del cuore,
    le rende spighe di grano
    dorate come il miglior tesoro,
    ti da un motivo… una certezza
    che tutto può divenir bellezza

    Dell’ amicizia ne fa tesoro
    E la tiene raccolta nella vena
    Dopo la prende in mano con amore
    E la spinge verso l’esterno
    Sale nel cielo e sembra accendersi
    Come una stella mai vista
    Tutti gli astri gli corrono dietro
    Illuminando le strade del mondo

    Paola Black

    Se hai per amico un poeta
    confida che non ti ritroverai mai solo,
    da terra o con le ali in volo
    ti segue sempre svelto come un razzo;
    di vite te ne dà Nove, non sette,
    tante quante le Muse per ogni ristoro...
    ...Notte e giorno ti sta sempre accanto
    perchè è un'amico e non si stanca (d'esserlo)...

    Francesco Masia

    Quanto è bello avere un’amico poeta
    come quello non si trova ed è vero
    è l’essere più affidabile e sincero
    di dolci parole ti riempie e completa
    e compenso materiale non s’aspetta
    ma un leggero alito dall’anima
    e quando scrive ottavina o sestina
    ti dondola come dolce onda marina

    a me è attribuita quella medicina
    ogni dì vi rispondo poetando
    qualche volta pingendo e soffrendo
    come nascosto angolino d’affetto
    ma la vostra risposta più carina
    mi rivede d’improvviso sorridendo
    chi nella vita ha più ricchezza
    di me che ho incappato la vostra bellezza????'

    Natale e Ornella Tamponi

    Se hai un poeta come amico
    non temere venti forti o tempesta
    perchè lui solerte ti presta aiuto
    ti soccorre in ogni tipo di disgrazia
    e non permette ch'essa ti turbi l'animo
    perchè sta in testa a tutti i paladini.
    Combatte ed affronta in parte tua
    i peggiori mali e così il bene trionfa.

    Paola Black

    Quella luce non si spegnerà mai
    quando al cielo torna accesa
    dacchè ha fatto presa nel profondo
    neanche la morte ne distrugge l'altare
    durerà quanto una candela eterna
    laddove è nata l'intesa...
    ...tra poeti ed amici, là perdura
    perchè vince i confini del tempo...

    RispondiElimina
  4. Teresa Sotgiu

    Ite foltuna chi m'est capitada
    aère poetes che amigos
    e cando in tristura sò istada
    de alleviu issos sun istados.

    E poetende naschet allegria
    e si leat variu algomentu
    istejat nues atidi armonia
    rendet gioiosu onzi momentu.

    RispondiElimina
  5. Giuseppe Pintore ‎*
    Chi asa unu poeta pro amigu
    tando s'ispanna totu s'orizonte,
    ca su faeddu chi etat diligu,
    traessat totu mares e monte.
    In sa suferentzia faghe ponte,
    in sa gioia presente pro obrigu.
    Sempre b'es cun peraulas bona,
    chi faghet a sa vida de corona.

    Chi unu poeta pro amigu asa
    a conca susu nde ses sodisfatu,
    totu ti dada chi l'as'a cuntatu,
    e cuntentu tue puru totu li dasa.
    In so versos suos imbaras e pasa
    e tota vida puru li ses gratu.
    S'animu ti l'abberit e su coro,
    su poeta amigu es mannu tesoro.

    Chi pro amigu poeta as'unu,
    tando contas su ricu e su mundu.
    Su versu si che olat vagabundu
    no lu firmat ostaculu perunu.
    Cuddos amigos chi poetas, sunu
    ligados, de sintimentu profundu.
    Es sigillu chi mai si cancellada,
    chi s'esistentzia umana modellada.

    Chi pro amigu asa unu poeta
    meraviza de sa sotziedade tota,
    es cussa,e che persone dota,
    sas oras che las passas lieta.
    Ragiunghe podes donni meta,
    ca intras in is portas inconnota.
    s'universu ti lu ponet in motu,
    chi as'un'amigu poeta, es totu.

    RispondiElimina
  6. Paraulas chi.. (Rosalba Satta)



    .. iscrio pro mene.





    Pro tene chi no connosco.




    Pro isse.




    Pro issa.




    Pro cussos chi legen




    Chena sa copa in manu




    Ma chin su coro in abbolotu




    Cando unu vessu



    ..unu solu !!..





    Los carignat




    Chin su dulzore de una manu amiga.

    RispondiElimina
  7. Miryam Marea.

    Celtu chi l'hagghju l'amicu poeta ,
    ma no ti dicu cal'è lu so nommu .
    Pinsendi a cantu mi legghj i lu cori ,
    li peni dientani abbeddu piu' minori .
    Ettandu assai caru mi lu tengu ,
    palchì ugni 'olta mi daci un muttiu:
    la ciltezza che tuttu
    po' esse ancora biddesa !
    Grazie amicu meu poeta,
    la gaddhuresa ♥

    RispondiElimina
  8. Salvatore Sini

    Pius de sas bortas, trampat s'apparenscia
    no ti che fides Selvadore caru,
    ca nisciunu at in faccia sa cuscenscia
    ma l'at in coro, chi no est in giaru:
    pro su pius b'est tanta differenscia
    tra cara e coro, chi sintzeru est raru,
    ...propriu ca su coro est remonidu.
    E si mantenes sos sensos attentos
    sas tales chi t'ammajan cun risittos
    e t'imbreagan cun sos cumplimentos,
    sun' invece de amore, in coro frittos
    m'alluttos de dolima e iscalmentos.
    Nudda doveres e mai dirittos
    e nudda, cando est s'ateru avvilidu
    pensat pro donzi cosa a bene sou
    ma si li dasa, già nde faghet prou.



    Francesco Canova

    deo non chilco s'amigu poeta
    ma isto chilchende s'amiga poesia
    siada anzena o puru sa mia
    bastada chi siada issa perffeta
    cando e libera metricada direta
    non'isagerada meda sa fantasia
    e de su poeta non ndefato casu



    Giuseppe Pintore ‎*

    Non bat poeta intro s'Elicona
    chi sa musas no li dana permissu.
    Tue amigu non cheres a issu,
    fortzis tue no bintras in cussa zona.
    Amenta su poeta est un'icona
    chi su versu in mente tene fissu.
    Chi naras sa poesia istimas solu
    es che pianghe su mortu sena dolu.



    Francesco Canova

    amenta chi sa musa est, perfeta
    non est che aissu puru traitore
    ca su poeta si antad tropu s'onore
    addoperad contra tie bajoneta
    e tue gia lusentis su dolore
    pro chi'appas poesia pulida neta
    non est,sa poesia chi tada ofesu
    ma est su poeta chi tada lesu....



    Salvatore Sini

    Samigu est sempre amigu in donzi logu
    cando est sintzeru e barriu de bontade,
    si as tristesa...t'isolvet su nodu
    si as problemas di dat caridade.
    Ma si as pro amigu unu poeta
    già narrer tue ti podes, fortunadu
    ambas sas mentes andan' a s'ereta
    ca in coro an su talentu chi b'est nadu.
    Si pro poeta tenes un'amigu
    in d'unu solu già nde tenes duos
    ca est sempre cussu chi ti dat s'abbigu
    e a mes'appare dat sos pensos suos.-



    Paola Black ‎---

    Sarbadore zusta già l'at contada
    cando de unu nd'iet su doppiu
    ca s'amig' in calesiat contrada
    est che-i su motor'a iscoppiu:
    duos pistones a s'accoppiada
    ponent in motu sena istroppiu...
    ...ca si est puru poete s'amigu
    movet fenas unu mezzu antigu...

    RispondiElimina
  9. Manuel Deiana

    in d una terra cun s aera guasta.
    impignada in delittu e traittoria
    creo siat vena de sana armonia
    che mie,tenne amigos de onzi casta
    ma app osselvadu chie cun sa poesia
    s esprimit, est de un attera pasta
    ca ti poned onzi istante allegria
    e non l ias a narrer pius basta
    ca sa poesia est in donzi abitu
    siat mondiale sarda o italiana
    fonte de cultura e de piaghere
    pro custu bos ringrazio ca est dovere
    ca amus criadu un amistade sana
    .caros poetas chi azis iscrittu

    RispondiElimina
  10. Antonio Palitta

    Ite coro mannu ch' han sos poetas!
    su coro 'e sos poetas
    est pius altu 'e su sole,
    pius largu 'e su tempus.
    Trenos chena fine l' atraessan
    garrigos de sonnios e disizos.
    e-i sos coros de totu sos omines,
    in su coro 'e sos poetas,
    pianghen e ballan.

    RispondiElimina