In punt’ e tret’ e Sant’ Antiogu
Passo unu mamentu abbaidende
Su mare, e su sole arveschende
Chi paret diat vida a cussu logu
Sas abbas e fiores sun nuschende
fiag’ e pane caldu dae su fogu
pasat su mare asende cussa costa
chin undas carignendelas aposta.
Cantu sulenu mi dat sa frigura
cando ido s’ anzone naschende
paret chi su mundu cambiende
siat dae sos ingannos e brutura
Forzis sa mente m’este alu ingannende
Ma cherzo creer chin cust’ avventura
In ‘olos lebios e cantos chi duran
potan sighire bellu ‘e sa natura.
Nessun commento:
Posta un commento