venerdì 30 dicembre 2011

pane, amore a fantasia... annu nou...

















Amore, pane e fantasia (annu nou )

In duas  otavas   chelzo pienare
Su coro ‘ostru  de pasu  e amore
Chissà  cant’ amus alu a remare
In grascia ‘e Deus de nostru  Segnore
Su  mund’ est gai malu ’e mastigare
Leadu  dae  podere e  dae s’errore
A nois nos  bastat  una poesia
Pro abbrazare  a totu  chie si  siat.

Poetas  tot’ impare, aculziade
A sa cabita de custu moribundu
Annu de istenios  e de famidade
Chi at aflitu totu cantu su mundu
A s’annu nou  poesia dade
E de affetu ligadel’ in tundu
Pro cantu poto eo li do sa mia
In rima: amore pane e fantasia.

2 commenti:

  1. In bidda ‘e Pattada a fin’ e annu
    etan sos gosos e sa fita-fita
    Faghen a dulche bonos pabassinos
    E cabude ‘ue famili’ abita
    Velenu b’at pro sos assassinos
    Chi no connoschen pasu o latt’ e tita
    Si cuan a lugh ‘e die a sos ighinos,
    a note essin chin cara cuntrita.
    No b’at menzus cosa in sa vida
    De narrer grascias a chie nos l’at atida.

    RispondiElimina
  2. Istanot’ in su sonnu apo idu
    Sos anzoneddos chi brincan in sa rocca
    Unu grodde b’aiat custoidu
    Ma cussa can’ anzone no la tocca
    Los fit abaidend’ afritolidu
    Sa bentre famine pariat ch’ istocca
    Fit chilchende de poder giogare
    ‘e issos cheriat solu mirare.

    RispondiElimina