mercoledì 28 dicembre 2011

Annu tristu











Annu tristu..

It’ annu tristu 'e penas e trummentu
custu chi a malu modu ch' est passadu,
 populu  ch’ an   mazadu est  cuntentu
d’ esser  como  corrudu e fustigadu.
'Oladu si ch’ est che-i su ‘entu
finas occanno, che annu passadu,
pagu bi restat de incorniciare
de custu tempus de ilmetigare.
Cambian guvernos..chin sos guvernantes
ma sos pispinzos restan uguales,
alu  tributos  noos e replicantes
e naran chi semus  totu cabales.
Nois bezitos.. issos sas badantes
nos naran  chi sun curende sos males,
pover' Italia comente ses finida
fraziga  dae conca a raighina..
It’ est chi faghen  in cussu puddalzu
puddas  e puddos chena cocorosta,
gioghende sa  mariglia a modu falzu
si che leat a baru intera posta.
Est beru .. sun algas de muntonalzu
chena  limites  a sa cara tosta,
sun  issos  de su dannu sa rejone
s’ilgonza, de tota sa Natzione.

2 commenti:

  1. Rosalba Satta Un anno nuovo
    pieno di poesia
    … questo io spero
    adesso che va via
    un anno nero
    un anno di sconfitte
    di guerre
    di terrore
    di ferite.
    Voglia di abbracci
    e tanto, tanto amore…
    Questo io sogno.
    Un mondo col sapore
    di sguardi tersi
    e di qualcosa in più…
    Quel qualcosa
    che adesso mando a te
    che tu la pensi o meno come me!
    (ROSALBA)

    RispondiElimina
  2. Su bon’ isetu est doverosu
    Pro dare una risposta direta
    A s’ amina e sa ment’ inchieta
    E a su coro d’amore disizosu
    Nudda peroe che ogat sa mineta
    A custu mundu pagu virtuosu
    Chi no connoschet paghe e ne gosu
    Ma solu a cont’ e podere e moneta.
    Mi dispiaghet de cussa zente in pena
    De sa natura trattada a malu modu
    Sa giovendude de ispera lena
    Nde faghet iin sa vida unu nodu.
    Tantu s’ indiferentzia piena
    Nd’ at de una padedda su brodu
    No si cumprendet su babu chin su fizu
    In custu mundu chena pius disizu.

    Lussorio

    RispondiElimina