domenica 4 dicembre 2011

nodos a petene











Nodos a petene

Su petin’ est  bennidu  a su nodu
de contos  male fatos, como  giaros,
iscobeltos furfantes e sos  baros
gighimus  sas foltighes a s’arrodu.
Sa  malintragna  occhidu nd’ an sos faros
de ziviltade  fata a bonu modu:
 familia, iscola, saludu  e  su trabagliu
istudados  che faru a trancamagliu.

Como giamadu an unu duttore
pro poder  ponner  a su dannu reparu,
no isco si est menzus un isparu
pro  avitare penas  e dolore.
Pro cantu  un incras mi siat caru
no bido  perun arcu de colore,
chi potat dar’ ispera  a custu mundu
ferid’,  offesu,  traitu e moribundu.

Sa paghe,  s’umilesa  e s’unidade
sun su disizu tantu decantadu,
pustis  de pagu sempre ilmentigadu
che a s’ amore,  natura e amistade.
Su chi  guvernat  sa mente  ‘e s’ Istadu
sun  sos valores  de paga calidade:
Narzisu, Marte,  Apollo  e sa richesa
de s’aparentzia  nde faghen sa bellesa.

Ohi!! Vana gloria  in conca sempr’ intrada
tue ses  sa ruina de s’istoria,
de populos  mudidos dae sa boria
chi  chilcan aidos a faca de s’istrada.
Zente chena  incras e ne memoria
renden sa Patria una malefadada,
leada  dae  sa bram’ e s’ egoismu
dae  su visciu, falzu protagonismu .




1 commento:

  1. Nodi al pettine
    Il nodo è arrivato al pettine
    I conti malfatti , ora son chiari,
    scoperti i furfanti ed i bari
    portiamo le forbici all’ arrotino.
    Le furberie hanno spento i fari
    Della civiltà costruita sui valori:
    famiglia, scuola, salute e lavoro
    hanno spento come il faro.
    Ora hanno chiamato un dottore
    Per poter metter riparo,
    no so se è meglio uno sparo
    per evitare pene e dolori.
    Per quanto il futuro mi sia caro
    Non vedo nessun arcobaleno,
    che possa dar speranza a questo mondo
    ferito, offeso, tradito e moribondo.
    La pace, l’umiltà e l’unità
    Son il desiderio tanto decantato,
    Dopo un po’ sempre dimenticato
    Come l’amore, la natura e l’amicizia.
    Ciò che governa la mente dello Stato
    Sono i valori di bassa qualità:
    Narciso, Marte, Apollo e la ricchezza
    Dell’ apparire ne fan bellezza.
    Ohi!! Vana gloria, in testa sempre entrata
    Sei tu la rovina della storia,
    di popoli zittiti dalla spocchia
    che cercano varchi ai lati della strada.
    Gente senza un domani, ne memoria
    Rendono la Patria una poveraccia,
    presa dalla bramosia dell’ egoismo
    dai vizi, ed il falso protagonismo.

    RispondiElimina