giovedì 3 gennaio 2013

unu re (sa sovranidade- soberania)












Unu re.  ( soberania)

S’ abbaido  sas costas de su mare
Chi  tancan  totu canta sa Sardigna
Mi  torrat  sa ‘ oz’ e  la pessare
Chin fantasia e su coro mi signat
Tota la tia cherrer abbrazare
Comente   a sa vista  chi m' impignat
E narrer  “mama bella affetuosa,
tenedi contu, muntenedi  briosa”

pustis   pig’ a sas pius altas chimas
de montes  chi coronan sa campagna
dae Gennargentu a su monte Linas
bird’ in beranu o grogu de siccagna
colores de pinturas mai bidas
de terra  chi podet esser cucagna
pro populu  ch’ at apidu  fortuna
gai singulare.. ma no nd’ azecat  una.

Cantu  issa  est bell’ e  generosa
No  ischit comente  lu donare
In fromma  de  alas vitoriosa

O puru  a  s’ istranzu  cussignare

Est  duda   chi  muntenet  pro se
Dadu chi no  che naschet unu re. 

  

Nessun commento:

Posta un commento