promissas

promissas

Miseru chie alu lis ponet cabu

 A sos c’an postu fogu  a domo nostra

Nois a fora issos che  nababbu

Nos lean  casu, latte e sa colostra

Paret contu chena perun’ agabbu

Chi  girat tundu comente sa giostra

Nois in fora los bidimus girare

Chena  mover  su ‘ent’ e cambiare.

Como  si mustran  che liberadores

De sos afannos e sos  pensamentos

Naran  d’ esser  sos noos  dutores

Chi meighina  dan pro sos trummentos

Poveru  zitadinu   sempre in gherra

Chi pessat d’ aer  bidu Cristu in terra.