natura (Pintore - Black - Cambiganu)

Giuseppe Pintore

Curade s'ambiente.

Omine cun sa natura gentile,
ti mustras e curas s'ambiente.
Non ti mustres no gai prepotente,
ca ti ditrues tue in modu vile.
Su pastore chi curat su cuile,
e semper'apretziadu de sa zente.
A esse tzivile non bi chere niente,
proite seberas s'atu intzivile?

No cosas ischivas non fetas mai,
proite no es bella sa mirada,
so refudos a s'elva subrapostos.

Pro chi su diciu indianu na gai,
sa terra no l'amus ereditada,
in prestidu l'amos de fizo nostos.

• 
  

  
  

  Paola Black ---
  
  

  De meraviza nos at circundadu
  su Deus soberanu criadore
  chi s'omine li restat depidore
  pro cant'in vida durat semenadu.
  Custode l'at lassad' 'e su cunzadu
  creinde ch'attenderet su laore
  imbeze sa faìna l' 'ettat pore
  anzis su sartu tott'at imbruttadu...
  
  ...Pobera terra de benes donosa
  ferid' e ludrada in su profundu,
  pobera zenìa, poberu mundu!
  
  A finitìa benit dogna cosa
  cando chi no si l'ischit cummesare
  la paschet ma no la faghet fruttare...

  
  

  
  

  
  
• Lussorio Cambiganu ^^^^
  
  

  Sa cura est de no fagher niente
  Naran sos chi politiga bi ponen
  Naro chi est cosa inteligente
  Dae domo su pulighe che ‘oghen
  sa natura est fata pro sa zente
  pro biver .. ma bellesa no ch’ imbolen
  su chi si podet fagher tot’ impare
  de biver .. chena nudda guastare
  
  chie pessat de narrer veridade
  nde faghet pro isse s’ utilizu
  imbiat onzi cosa a s’ indirizu
  
  ‘ue no b’at pro’ e calidade
  Totue est presente sa natura
  nos lastimat..issa nos leat in cura.