.. e mai nd’ apo coglidu

.. e mai nd’ apo coglidu

L’ ap’ idu.. e mai nd’ apo coglidu 
Fiore chi no cheret dare frutu,
Solu resto a bider atuldidu 
penseri chi dae altu nd’ est rutu.
Isperas chi pro tantu apo sighidu 
Istudan su chi prima fit allutu.
Comente onzi astru in not’ iscura 
Dat lughe.. e de  die no si curat.

Sabores  e puntas de aldu reu

Ranchidos chi punghen  cor’ istrintu,

Paren  mastras de paltu chen’ arreu

Chi dan dolore cando l’an ’  ispintu.

Cumpridu pustis in gosu s’ anneu

Si pessat d’ aer giumpadu  rechintu

Ma est sol' una van’ illusione,

mamentu chi no dat  soluzione.

s' animu chi cheret    fiorire

Abberit  isperagli'  in sa  mente,

Su frutu tando at a madurare

Sabores chi s’ an a poder coglire.

Forzis   propiu chi’ est penitente

Rejone de sa vida  at  agatare.