forza paris "eo so sardu"

Forza paris “eo so sardu”..!!

Cal’ at a esser sa soluzione

Pro ponner mediu  a custu trambustu?

Est menzus Monti  o su Berluscone

Pro che finire  in cadrij’ arrustu?

Cussos fascistas nieddos che titone

An peldidu  de s’ onore su  gustu

Rujos e comunistas  alu gai

Pessan  chi tempus no lis passet mai.

Dae mal’ in peus su birde padanu

Paraluas  chena  sinnu  ne valore

Fin’ intr’ e domo  issoro an furadu

E bendid’ an  sa cara e s’ onore

Su comicu  ‘e Genov’ at giradu

Unu film  chena  tram’ e atores

Giudices  chi de penas  e  guais

‘Oltan in votos  peldidos  diai-

Ite bi restat pro  poder chilcare

Su mod'  e narrer  “esisto fin’ eo”?

Forzis est menzus  de  isfoigare

Sas intragnas e sonnios de Morfeo

Pro  pesare sa  boghe  no est tardu

Etando  “forza paris,,  eo so  sardu.!!