sa sorte

Sa sorte.

Cantu nde faghes, tantu ti nde torrat

sa sorte no est mai cuntr’ a tie,

faghet  male  e peus si cumportat

s’ irrocas  in frastimos cadadie.

Onzi  pelea   ti porrit e ti ‘oltat

arrajolidu  t’ idet  e  si nde riet,

tando ti naro  proa a bi  pessare

forzis  prestida fit de  torrare.

Si calchi ‘olta ti paret  d’ esser tropu

e cussu dannu  de no lu meressire,

det esser pro  su casu  sol’ intopu

chi unu cras podes agradessire.

Mancari  sighit  colp’ e fortuna

e ch’ ogat  su mal’ oju tot’ in d’ una.