SA POESIA EST BELLESA
Unu versu.. una ‘oghe
Attonada in sa lirica:
no intendo s’inscunfortu
de sa poetica antiga;
canto su netsessariu
addringhende s’ utilidade.
S’ immagine pachet sola
No est prosa istantiada,
Est che giogare chin sonos
Dae s’intronida cumposta
Cun pensoamentos confuso
Ligados a su tempus;
est distingher e seberare
paraulas de progressu.
Su nou s’abbrazat sizilladu
A s’iscacagliu de paghe.
Sa poesia est bellesa
Finas cando b’at piantu,
cando s’arte est misurada,
B’ at un’ esaminu cun cura
Aunende paraulas sabias,
sun passos misurados
in carrera tormentosa.
Faghimus a sestu esattu
Paraulas a manu tenta
E innijare che acchettu
In su ‘eranu ‘e sos turmentos.
Cando sos ojos mios
Est ispirende sa die;
sos ultimos filos, su sole
in colore ‘e aranzu,
si los trazat ischentiddende.
Sighit sa note a sa brazeta
Passu a passu
In baddes e in montes.
Pesso….
Chelu, terra e mare
Arrejonan continu
De dies e de notes.
Cando sos ojos mios
Den esser elva,
su firmamentu osservan istraccos
prima chi calchi fiadu
si det ilgeunare
dae sos filos d’ elvas mios.
(Nanneddu Cambone)
Frades mios
no rien
Frades mios
no rien;
sun sempre
‘isadores
chi sas
laras de sa die
istanze
s’allegria.
E sempre
‘isadores
Sos ojos
alcian sas cristas,
e-i su
tempus a trotu
lassat sa
trata in cara
de frades
mios chi no rien.
Su pane
nostru ‘e onzi die
Ranchidu s’ est pesadu
Chin sas dentes famidas:
Ranchidu
fremmentalzu
In su coro
Chi ciochit
sos penseris
Intro s’ ou
‘e sa vida.
Bisadora est
s’aera:
abeltu at su
petus pilosu
ue ‘nd’
essit sa oghe
de s’alenu
salidu.
Cando det
essere
Chi frades mios ‘isadores
Den rier allegros
Olvidende su
piantu
Apoderadu
Cobeltu dae
sos seculos?
Frobidebos sas lagrimas:
est tempus de frundire
sos muncarolos istracos.
Nanneddu Cambone
Sorre morte
Istanotte sa morte at uruladu
Subra su pinu ‘e fronte a su balcone;
sos canes a toroju in s’istradone
orijis rizzos s’aera an segadu.
E cantas boltas bi li sapo nadu
Chi sa morte m’est sorre in pessone,
in me at abitadu onz’ istajone
dar cando mi an inzeneradu.
Sorre morte istanotte fit suffrende
Su frittu intro cust’ istadiale,
solu pro cust’ alciadu an su lamentu.
Issa istat continu vigiulende
Timet pur’ issa cando isto male,
e de cussa premurosa so cuntentu.
Nanneddu Cambone (Pattada)
Nessun commento:
Posta un commento