pro cantu si nde faghet poesia...

pro cantu si nde faghet poesia...

Pro cantu si nde faghet poesia

S’ amore e s’amistade  paret trista

Totu  la dian cherrer  a sa vista

Ma  pius de coro si pienat sa ‘uca

Iscritu  l’at  in s’ evanzelu Luca

Impare  a su peldonu e caridade

Pro cantu si nde faghet poesia

Paret trista s’ amore e s’amistade

De s’ umanu sa menzus calidade

Est d’ esser a Deus riconnoschente

Totu che pare naschidos innozentes

Chena difetu perunu o disonore

Pro cantu si nde faghet poesia

Paret trista amistad’ e amore

It’  est  chi at impoltu et  valore

Si no d’ aer  amigos in caminu

C’ azenden in su buju unu lominu

A su bisonzu  illuminan sa pista

Pro cantu si nde faghet poesia

S’ amor’ e s’amistade paret trista

Como paret chi siat pius abbista

Pessona chi resessit a sa sola

Gai su tempus passat e che colat

In sonniu de presumu e soledade

Pro cantu si nde faghet poesia

Tristu paret s’ amore e s’amistade

Si cantu  nde rezides  pustis dades

d’ affetu  si  fremmentat sa richesa

in coro leat logu sa  bellesa

pinghende  finas note de colore.

Pro cantu si nde faghet poesia

Trista paret amistad’ e  amore.

Peleas, disamistade e dolore

Sun  cue  chi isetana apitu

Mai chi apan in coro s’ abitu

Et  amistade nde fatat conchista

Si totu cantamus in poesia

S’ amore e amistade no est trista.