lunedì 19 novembre 2012

chin rispetu













chin rispetu


Totu faghimus  isfogiu ‘ e arte
De cussu chi nos  dat sa  fantasia
Niune est pigadu mai  a Marte
Pro narrer  “cussa est  s’ istella mia”
De bonu nde cantamus una parte
A  bias  nde  faghimus  poesia
Ma si cherimus  totu  cuncoldare
Nisciunu  diat  dever   disignare

Comente  narat  cussu diciu notu
A furi’ e lu tirare  su cannau
Si truncat  finamentra  iss’ e botu

E   ligat  malumore chin s’ ispau.
Pro  esser   totu cantu cabale
Onzunu  su rispetu devet tale.


  • Paola  Black ----
    Cando su cristianu est umìle
    e in tottu su chi faghet s'impinnat,
    mancari no lu siat tant' abìle
    chi siat art' 'e manu o de pinna,


    no jambat dogni die un'istile
    ca sol'a unu sa sorte lu sinnat,
    e cumbenit tando chi si rassinnat
    sos cancaros muntenner in foghìle.

    ...Imbeze bi nd'at ch'istat vagabundu
    mòlia-mòlia, nd'attit s'addinzu,
    faineri si zirada su mundu;

    s'unfrat de fele che chi siat prinzu,
    si 'antada de nd' 'aler carchi cosa
    ma faghet sa fegura prus penosa...




  • Su cant’ in poesia no at pretesa
    De narrer veridades riveladas
    Nemmancu de sa vena b’ at pretesa
    Sun solu verbos chi conca nos dada
    Mischinu chie de isse at zertesa
    Chi de poeta tota s’ arte nd’ ada
    Cussu est donu intro ‘e totu cantos
    Chi su sentidu dat e no sos bantos


Nessun commento:

Posta un commento