sabato 17 novembre 2012

dende e... dende











dende e.. dende

^^^^^^^^
Cando fiore s’ abberit su manzanu
Dat   cara  a sa lughe  levantina
Pustis un’ abe   bi pasat pianu
e  pedit  unu  pag’ e   tucarina
In donu  lassat cussu zene sanu
Porridu  dae  una  piant’ ighina
Gai  sas aziones de sa zente
Sun prestidas torradas a mente 



Donzunu torrat su chi li ant dadu
siat in bona o mal' atzione,
dipendet tottu dae sa pessone
chi retzit o chie l'at cunsignadu,
ca variant sens' e intenzione
segundu su tempus chi est passadu...
...pro donzi cosa b'est su tempus sou:
pagad' unu, bintrat depidu nou...



Lussorio Cambiganu

 Su tempus est bonu cossizeri
Chi podet samunare sa malesa
ma chie nd’ at fatu mestieri
no dat mai a niune resa
pessat d’ aer rejone oe e deris

e faghet de onzi cosa pretesa
sempre chi narat : “tue deves a mie”
mai chi nudda isse torret a tie.


Giuseppe Pintore *


Ma es sa natura chi da s'istintu
in donni obera mala o bona.
Ides bes cuddu chi si es distintu
tando cussu merita s'alta trona.
Ateru a su male si est ispintu
ripudiadu est in donni zona.
Ca sa pianta a segundu sa entina
si connoschet puru in sa faina.

Nessun commento:

Posta un commento