donna

donna

Lo sguardo  che addolcisci col sorriso

La mente che  ti spinge nel pensiero

Il cuore gonfio di un amore vero

Tutto  stampato nella linea del viso

Tu cerchi ancora  la gioia per intero

Forse  qualcosa dal tempo reciso?

Tutto lambisce il cuore e la tua mente

Donna  assai bella … mai indifferente

Italia - Germania

Italia - Germania

In d’una note tald’ e su setanta,
bidei sa paltida soberana
cando sa passione fit tanta
e-i sa boccia fit cosa fitiana
annos como nd’ at passadu baranta
a cussos giovaniles , ma de gana
comente tando cuntra a s’ Alemagna
s’ Italia at ilfrezidu sa sagna.

Si torrat da inie binchidora
Nos dat di’ e pas’ e allegria
Ness’un’ iscuta faghimus in bonora
Pessend’ a cos' e giog’ e fantasia
S’ incras de zertu mandamus in malora
Sos chi  'atin magone e carestia
Pro custas dies s’ ispera est chi s’ Ispagna
Nos abbet mente e no atet siccagna.

madre natura

Madre natura

De madre natura sa rejone

l’idimus   su manzanu,  e a s’ isteddare,

cando  pius  est  atenzione

a su ch’ intro gighimus in pensare.

S’ arveschida  nos dat cuss’ emoscione

chi mamas an cand’ est  s’ illiorare,

e nos aceran a   cussa  bentana

de una vida naschende  chi nos dana.

Pustis sighimus  sa die a manzanu

e  cominzamus  a  fagher incunzu,

de cosas chi nos fuin dae manu

finas  cando tancamus  su punzu.

A mesudie , un’ ustu  cristianu

chi ranchidore abbias faghet abbunzu,

s’ in presse  amus fatu e poi cultu

est  s’ora de nos fagher unu sultu.

A su meriu  b’ est chie pessat a cras

atere  chi si truncat s’ischina,

ma si  sa di’ e oe idu no as

est che  pedra chi falat in pischina.

De affundare  forzis no ti pessas

creende  d’aer  forte raighina,

imbeze  mente e corpus in allizu

che falat  chena  su tou abbizu.

Boltad’ e die  paret  cuss’ atunzare

de pasculos  chi paren fiorende,

imbeze  est solu modu de mirare

sa vida  chi lestra si ches fuende.

Est s’ora chi si cheret isetare

impare chin sa zente faeddende,

ma no b’at tempus  de poder frimmare

ca prestus  benit s’ora e si colcare.

S’ ora serena,  benit a s’ispessada

cando isteddos e luna faghen cara,

a custa terra  de  natura donada

ei sa morte nos basat chin sa lara.

Madre natura  de grascias ses famada

“Proite  b’est su dolu” a mie nara?

Forzis  su sero  est su menzus mamentu

de ‘oltulare  peleas in cuntentu.

Onor.... al vero onor..!! Alfonso Giordano.. Presidente Corte d' Assise Di Palermo, al maxiprocesso di "cosa nostra"

Onor.. al vero onor

L’ acre sapor  di terra zolfatara

s’Impregna   nell’ Ellade  cultura,

quella che fa di te, madr’ e natura

rendendoti  assai  schivo in dote rara.

Umile servo,  di Patria, la più pura

della giustizia umana, la più cara,

d’ etica  forte,  dell’ ius obbediente

scomodo  sei  al mondo indifferente.

Dall’ alto scranno di Corte Presidente

hai  posto timbro all’ umana ragion,

quella siffatta  di pubblica opinion

e del  diritto uguale per la gente.

Hai posto  in crisi  la combinazion

che ha  fatto di Sicilia la  perdente,

tra le virtù di chi onesto s’ usa

e  quelli di Tomasi  Lampedusa. 

  

la casta

La casta

Dicevasi “morir democristiano”

“Non voglio, meglio il patto col demon”

Allor  di Che Guevara  l’ inno invano

Faciam  ovunque  “gran rivoluzion”

Or  ritrovo  gli stessi sul divano

Dei sette colli  di Roma a colazion

Scrivono libri,  politici di casta

Son giornalisti, lachè.. adesso basta!!!!

facebook

Face book

Chi est ch’ at batidu cust’ inventu

chi  totu est fatend’ ammachiare?

gosu abbias, ateras trummentu

ponet sa fantasia  a bolare.

Siat a sa seria  o coment’ apentu

oras de vida che faghet passare,

totu su mundu intr’ e inie finidu

comente  muncarolu   remonidu.

Manzan’ e sero, a prim’ abbelt’ e oju

totu inie abberin  s’ isperaglia,

chilcan sas novas, o  ater’’ abboju

chen’ agatare su cabu de sa maglia.

Abbias  si buscat de totu, che in su poju:

siat pische ‘onu, o puru   inie s’ incagliat,

su sinu ‘e sa rejone e su sentidu

paret  su connotu  mai cumpridu.

Inie  pessende  de poder    agatare

su  chi de’ sempre est ‘istadu  negadu,

de poder  un’ iscuta faeddare

de totu  su chi s’ est  prima  cuadu,

Zente chi pessat de poder poetare

faghet  de mediu d’ esser invitadu,

a su cunsessu  de musas d’ Elicona

subitu poi  si nde faghet padrona.

Totu nos giamat isse a s’apellu:

notifigas de grupos e amigos,

divent’ est  motiv’ e arrempellu

finas a  tarda note ben’ aldidos.

Cand’ a manzanu sonat campanellu

est s’ora chi nois semus pius sonnidos, 

ma prima  d’aer su pè  in terra pasadu

bidimus  cale novas b’at  ‘intradu.

oos friscos...

Oos friscos…

Canto chena pessare

Ammentos  minoreddos

Pro  dare briu  a isetos noos

Pustis  torr’ a pessare

Si  custos faeddos

Sun bezos  e ruinados che zoos

No mi nde fat’ ilgonza

De su chi mi bisonzat

Comente  ‘onzi die sos friscos  oos

Issos  dan  cussa folza

Si  cadadie  cambian sa colza.

il ruscello

il ruscello

Un di  attraversando  un ruscelletto

Con passi attenti  su ciottol’ assai lisci

D’ un tratto un gorgoglio dentr’ il suo letto

Mi disse: “ dove corri, non capisci?”

“fermati  un po’  e guarda te diretto

‘ entro lo specchio  d’ acqua che lambisci”

“eccomi!! disse l’immagine riflessa

Di te son  ciò che all’ anima interessa”

Son l’acque,  vere, fresche e cristalline

Che dan  ristor  alla sete    del cuor

Con voci lievi.. si forti e sopraffine

giungon   attraversando  luoghi  ognor

volan leggere come farfalline

ma sfidano  la forza dell’ onor

son le parole che escon dalla mente

di  un uomo  forse vivo o inesistente

forse son segni  che la natura dona

a chi la vita  l’ha vista in altro modo

tutto  della ragione esso perdona

avvinto nel suo mondo, unico lodo

l’ anim’ altrui, i gesti esso visiona

sciogliendo del mister qualsiasi nodo

quando  taluno  una rispost’ aspetta

ecco il soccorso  di chi dice poeta.

su moddizzosu cuartesu..

Su moddizosu Cuartesu

Custu manzanu so aculziadu

a sae zia Rosina Cuartesa,

sSu moddizosu apo comporadu

ancora caldu  de sa braj’ azesa.

In  Funtan’ Ortu totu s’ighinadu

profumat de simul’ una bellesa,

cussu fiagu e cussos sabores

chi nos faghen torrare a minores.

Unu chi pesat  chilu ben’ o male

che l’apo git’ a domo  a fagher ‘ustu,

ateros duos minores   uguales

cundidos  de chebudda e  lald’ arrustu.

For’ e su furru , mi los ponz’ in murales

chena  pessare si fit cuddu o custu,

su pane bonu , sabores de una ‘ia

chi m’alimentan  corpus e fantasia.

pro te.. e pro me

Pro te…e  pro me

Pro te lu fato.. e  sempre t’adoro

 ca ses sa prenda  chi  alu  tenz’ in manu,

galana, fiorida  tue tesoro

de tempus  in presente fitianu.

Cando ti  pesso mi leas su coro

e cussu chilco  e  suspiro   pianu,

chi est  s’ anelu  chi  ‘oltat sa tristura

in   allegria  de ment’ in  fioridura.

Cando ti jamo, sempre ses presente

fior’ e maju  apparis  coitende,

dae su coro  pigas a sa mente

poi   t’ intendo cando ses rimende.

No connosches  sos males de sa zente

 totu  ti miran  sempre sorridende,

in caldu  a issos donas sa friscura

e poi su  fritu  boltas in  calura-

No b’at motivu de ti cambiare

in d’ unu mundu  chi bivet sa gherra,

eo  ti  sigo   al’  abbaidare

mancari mundu in duos s’isperrat,

Cando sos cossizeris m’ an a dare

sa proa  chi no tocco pes a terra,

lis  naro:  “biad’ a bois si bos durat

ca tempus  onzi die, vida bos furat”

  

aultidu...

Aultidu…

Si Deus torrat at ‘ onzunu su sou,

in chelu  pigan cussas criaduras

chi  no an bidu nudda dae nou,

in  d’ una vida ‘etad’ in sas cresuras.

Inie ilfechidas dae su rhou,

no an  apid’ in terra sas bisuras

chi su Segnore  at disignadu

pro  esser  dae totu sol’ amadu.

Forzis  in su disegnu  soberanu

tot’ est  iscritu, totu est previstu,

nende nos  “bois  animu cristianu”

de  fagher malu, Isse s’ est abbistu.

Falad’ in terra, ‘estidu de umanu

subr’ e sa rughe at postu su crabistu,

chin su dolore samunat su pecadu

esempiu  gai  ladinu nos at  dadu.

Naschidu  est  in gruta poveritu

chena manteddu ne lizos de oro,

a  faca no l’iscaldit su coritu

ma:  ain’ e oe chin s’ alen’ issoro.

Gai   a totu che  cazzat su fritu

cando pienat   d’   amore   coro,

comente  mama e babbu generosu

chi  no lis  tocat mai su ‘elosu.

Pro cantu podet parrer de tristura

dolore est de isse cuss’ amigu,

chi dat  in s’Eternu  sa gosura

a chie no nd’ at peldidu  su sigu.

In lacanas de vida  sa messura

incunzat  in peleas su menzus trigu,

sa semena ch’ at fatu in aradura

ch’ at aultidu  su bis’ e criadura.

A chena.. in cumpanzia

A chena.. in cumpanzia

Si fat’ un’ aparizu

tio  cherrer a faca

‘onzi cosa chi m’ at dadu cossolu .

Eo mi nde peso rizu

finas chi no s’abbacat

sa Lughe Manna  ch’ inchet su  dolu.

A pustis in s’abbizu,

sa femin’ istraca

ch’ at  porrid’ unu  frutu in su letolu

at una vida noa.

Issa  de mund’ est  cabu et finas coa.

A sa manu manca

benit su frutu nadu,

ca est  s’ ispuju  cras  chi mi  dat vista.

Passadu no si tancat

ca m’at generadu,

sos mannos chi m’an postu prim’ in lista.

Poi totu su sambene

chi su coro mi tenet,

ligadu , in di’ e cuntentu e finas trista.

Duncas sos afetos:

amigos, e cullegas pius diretos.

A sa fac’ estrema

sos amigos poetas,

pro alligrare chena e cumpanzia.

Cale si siat tema

amore o saetas,

totu  pienan coro e fantasia.

Mi  ch’ essit dae ‘ucca

disizu ‘e padre Luca,

de l’ider  de pessona una ‘ia.

Eppoi tot’ in ghiru

sos chi mi dan in poesia  s’ ispiru.

It’ est chi dat ispir’ a sa bellesa?

It’ est chi dat ispir’ a sa bellesa?

Fiores chi coloran  donzi logu

dades  amenidade a sa bisura,

sos elementos de s’abb’ e su fogu

de sa natura gosu e disaura.

Cando disastros faghen pro ilfogu

gulp’ e sa zente chi no nd’ at paura,

s’ issos si lean chin grabbu e rispetu

totu nos torrat  chin su menzus isetu.

It’ est chi dat ispir’ a sa bellesa?

Si no sos ojos  chena brama peruna,

li bastat cuss’ incantu  chen’ ispesa

pro narrer “so tochende sa luna”.

Cando si pessat de la render  presa

totu pro isse,  pro atere mancuna,

est tando chi si oltat sa natura

cuntra sos zegos chi d’ issa no an cura.

Bellu, gentile, affabile e amante

est presente  s’ alenu de   sa vida,

ti giamat  a costazu  in d’ onz’ istante

e narat:     “issa cheret bivida”.

Si  ’spiru  ‘e sa bellesa  as  custante

dae su mamentu  apena tue l’ as bida,

ti paret  totu cantu  pius giucundu

e gai cuntentu  ti giras in tundu.

It’ est chi dat ispir’ a sa bellesa?

Sos ojos, sa fregura  o sa postura?

Totu est bellu  si b’ at nobilesa

in s’animu e coro  in ermosura.

Siat  a prim’ edade o bezesa

semper a fatu bellesa li durat.

Cando  s’ amore aparitzas in mesa:

ecco ite dat ispir’ a sa bellesa.

chin.. Anghelu..

Faeddu chin Anghelu…

Sos annos sun passen’ in poesia

dae cando  m’ as abbeltu s’isperaglia,

no isco si est sa tua o sa mia

custa musa ch’ isparat a mitraglia.

La gito  fatu , sempre est imbia

‘ue ponzo   passu bi restat sa raglia,

paret  su can’ e totoi  masedu

mi sighit chena m’ esser de impedu.

Onzi  mamentu  lu coglio  intr’ e sa nella

de sas siendas  bene costoidas,

totu remonzo  in sa rima bella

pro  dar’ ammentu a chie no las at bidas.

Sun  atimos  de lughes  chi s’istella

lassat  de su coete.. poi finidas,

prima  chi  si ch’ imbelgat in s’eternu

nde l’og’ a foras  dae  cuad’ internu.

A bides cant’ est  donosa sa vida?

Cantos fiores naschen dae su dolu,

pariat d’esser  solit’  atrivida

de poder dare a tie  cossolu.

Chin   cosa  mai apid’ e ne bida

unu manzanu  chin  penseri solu,

de ponner su piant’ in  cuss’ ispera

chi nos  at  dadu  nusc’ e vida vera.

Custu manzanu, legend’ a Padre Luca

in su libberu tou ,  sempre presente,

ap’ idu  cantu tue   li das buca

a s’ animu rebelle .. impenitente.

Abbias fatu su logu si tucat

e cantat  vid’ Hermosa  pro sa zente,

poi  tot’ in d’unu chilcat su cuntentu:

cussu divinu, intr’ e su cunbentu.

Cant’ est  trista, tantu  soberana

est  s’stadea  chi cheret su pirone,

no b’at  nudda  chi bivat in chitana

ca che lu leat su primu bulione.

Zeltu piaghet sa vida bella e sana

ma pustis  cheres finas  millione,

no  finin mai  in vida sos disizos

comente paris  ‘enin sos fastizos.

Cando t’ ap’ idu  in sa cunferentzia

s’ atera die ,  in s’ oru  de  Casteddu,

chissà cant’ as patidu sufferentzia

chi t’at leadu  corpus e cherveddu.

E puru dae s’ ojada  in  elocuentzia

 ap’ idu a tie   comente piseddu

chi gighet  su mundu in pramm’ e manu

e no connoschet  malaid’ e sanu.

Bell’ a Nostra Segnora  presentada

chin s’ umilesa tua l’as fatu donu,

faladu nd’ as sas penas dae Patada

pro las  porrire a ‘Issa  in abbandonu.

Segura est  sa grascia chi ti dada

ca ischit cantu s’ animu est bonu,

tantu est bonu  cantu est  cumbatente

cuntra  sos males chi ferin  sa zente.

T’ ammento cantu t’ ap’ imbidiadu

nadende a tretu longu  in abb’ e mare,

no amment’ e t’ aer mai suberadu

in  artes  de sa vida o su giogare.

Sempr’ onzi cosa  a seberu leadu

a frutu bonu  as gitu a madurare.

De una cosa, però  sa ‘ issa est mia:

"d’ isterrer versos   in sa poesia."

 

su suzessu

Su suzessu..

Naran  s’ omine est  fatu ‘e fele

cando sos contos a isse no torran,

s’ indurchit  coro  ilfust’ in su mele

s’ isse  campanas  de gosu li sonan.

Nudda cumprendet coment’ in Babele

cussos faeddos chi pagu li donan.

S’ omin’ est bonu  sempr’ a cuddu ‘essu

chi li garantit:  connot’ e iteressu.

De tantu fagher e pellegrinare

Jumpat  sos litos e matas in altura,

mai assuprit  ‘ue s’arressare

chircat  sempre sa menzus postura.

Est su modu pro poder  pessare

d’ aer su mundu  post’ in ditadura.

Ma no est gai.. no b’at perunu nessu

chin d’ una vida pien’ e  suzessu.

Cussu suzessu  chi est in sa mente

de chie at  su mund’ unoradu,

chi  est intrad’ in cor’ e sa zente

pro cant’ at fat’ e cant’ at pessadu.

Est  su mele..si bene est  presente.

ranchidu, duncas,si male est invitadu.

dami alu sa forza

Dami alu sa forza

Dami  alu sa forza

de muntenner  s’ idea

Chi mundu  potat ‘alu cambiare

Ammodiga sa corza

A donzi   pelea

Chi totu paret  chelfat  martizare

Eo la ‘ido gai

Tempus no torrat mai

Ma criadura tio cherrer  torrare

A custu punt’ e vida

Naro  “Chin cussos ojos cheret bida” 

umbras

Umbras

De umbras longas

Su sero nd’ apo idu

In su boschet’ e Patada  passizende

Che cando ponzas

Su ch’ asa remonidu

Tot’ a cumone, su ch’ est  olvidende

Bella s’ impresa

D’ aer sa mente presa

 cando  su benidore fit  naschende

tempos  de tando

“proite como nono, mi dimando?”

Eo mi dimando

Proite  su progressu

No muntenet  de isse sa promissa

Ma dae cando

Tue ti ses arressu

Paret ch’ apes peldid’ iscommissa

Cussas piantas

Chi sempre ti nde antas

Paret  s’ edade chi issas apat bissa

Bortad’ e die

Cuss’ umbra pius culza  cadadie.

deo so sardo... a fora zente indigna...

‘ eo  so sardu… a fora zente indigna

De cantas bellas cosas su criadu

nd’ at  fat’ una sienda fabulosa,

sas  artes   fatu nd’ an poi siddadu

e pienadu  altare e d’ donzi  losa.

Comente in sa gherra su soldadu

peldet  sa vida  e inie reposat,

gai  in custa  terra macc’ abberu

peldimus  su connotu.. ite misteru..!!

Eo mi dimando, dae tempus passadu

“a chie amus bendidu  sa mente?”

Paret chi totu siat ilmentigadu,

su ch’ est  ‘istadu a dannu  de sa zente.

Seculos  bujos ch’ amus istudiadu

 paren  chi  sian soltos in niente,

parimus a sos tempos torrados

cando  fin totu  cuntra ,  triulados.

It   at  a  esser  sa  maleiscione

chi faghet torrare  cussa nue,

ponzende   s’ ozu sant’ a fulcone

e  sa  zizania  creschet in totue.

Est  s’ arrogu,  sa  presunzione

d’ esser padronu e no servu inue,

est logu  santu ‘ue sa ‘ ilgonza

at  traitu a totu in sa bisonza.

Naro pro cussu,  a chie  gighet sale

de fagher  una  giusta proa manna,

ponner impare  cale si siat cale

barracca  chi abberzet sa janna,

‘ue su bentu  che bolet su male

e ‘intret de Amsicora  s’ “osanna”.

Abboighende totue in sa  Sardigna

 “eo so sardu . a fora zent’ indigna!!!”

Poi torramus a bufare sos binos

noales, bucantinos   e zentiles,

de cussos chi si bufan a cadinos

ca no traighen e no sun mai viles.

Totu torramus che bonos bighinos

e riprendimus  sos bezos istiles,

cando sa zente  su friscu in fora

si leaiat  in congruos e bonora.

s' arbur' e criadura (l'albero della vita)

S’ arbur’ e criadura..

De cantos passos postos  in caminu

nd’ apo coglidu tempus e valore?

Abbias  m’est   fuidu  su  sentidu

et  bissu  at sa boza   ‘ e su sentore.

De cussu  chi traighet su  sinu

lassende poi  ranchidu sabore,

s’ andanta  cando  paret segura

est mama  ‘e illusione e  frigadura ,

Restat  sa pedra frimma e sa duda

in conca de chie dat  valore,

a  su chi naschet  et istat a sa muda

ischirriende tra  mischinu et onore.

idet  jara sa veridade nuda

in donzi zassu , su gosu e su dolore,

totu est  postu  in ramos d’ hermosura

in s’arbure  nostru .. 'e criadura.

Unig’ isposu

Unig’  isposu

Nara  it’ est de su mundu s’affetu

si no de l’aer  comente istrina,

comente un’ amada signorina

chi  gighet amin’ e corpus perfetu.

Si  no cheres de isse sa ruina

bisonzat de nd’ aer su rispetu,

nezessitat  de signos de amore

chi dominet de irde su colore.

Sa terra e su mare generosu

chin  elementos afeltos  dae chelu,

de animales  e   zente de zelu

cumbinat  tot’ in unig’  isposu.

Si dae cara  ogamus su telu

idimus  cantu est meravitzosu,

siat su mundu  a ojos ch’ idimus

che  su chi intr’ a nois costoimus.

cant' ischis amare

cant' ischis amare

Ohi !! padre Luca cant’ ischis amare

Pius de  mill’ atores  rezitende

Faghes  coro  ‘e feminas ballare

Che   morocula  in tundu girende

Pustis  chi tue finis de pregare

De Paride  ti ses mascherende

Furas su coro  de Elenas  bellas

E las ilfrezis che in sartigli’ istellas.

Si fit a modu de tinde furare (padre Luca Cubeddu)

Si fit a modu de tinde furare
coment’e Paris a s’hermosa Elena
... dia andare corsariu in terr'anzena
pro una bella a mi fagher ladrone.
Tando mi dia antare cun rejone
de tenner un'Elena in manu mia:
bella, pro t'haer sempr'in cumpagnia
montes et roccas nde dia bettare.

Si possibile modu fìt istadu
de ti nd'haer leadu nessi a fura,
coment'e Paris dia esser andadu
a ponner guerra, ca un’hermosura
in cussu visu tou delicadu
disputat su colore et biancura;
pro tenner una simile figura
ogni cosa si podet arriscare.

Pro ti tenner presente a dogn'istante
s'oro de su Perù gastare dia;
s'essere che monarca in su Levante
che i su gran sultanu in sa Turchia
de s'hermosura tua fatt'amante
sa Sardigna in perigulos ponia,
su gran mogol ancora 'e Barbaria
dia ponner in armas pro gherrare.

S'haere sos tesoros de s'Olanda
cun totu sos navìos de Inghilterra,
cantos s'Ispagna et Franza nde cumanda’
contra s'America et sa Gibilterra,
sa Sardigna imbestida da ogni banda
dende battaglia per mare et per terra
ue ogni delissia s'inserra',
biddas, zittades dia arruinare.

Dia mover de banda de Ispagna
milli naves de gherra in sa marina,
a bandelas ispaltas in campagna
pro tenner s'hermosura pelegrina;
si intro esseres de una muntagna
a sa muntagna dia ponner mina
et de pustis ti dia che reina
de tota s'Europa incoronare.

Si s'arte militare che Pompeu,
o che Cesare ischere sa battaglia,
fin'a ti bider in podere meu
mi estia pro te de forte maglia,
dai pustis dia alzare unu trofeu
che Cesare in su campu de Farsaglia,
de marmaros alzende una muraglia
monumentos eternos pro restare.

Pro Elena s'istruesit tanta zente,
cant'in su mare non bi hat arena,
ma eo la discurro a differente,
chi tue binches sa matess'Elena:
issa fit grassiosa solamente,
fit grassiosa però fit murena,
tue ugualas a sa Madalena,
grassia et biancura sunt cumpare.

Coro chi t'hap'in coro a dogn'istante
et pro t'amare so finidu et mortu,
coro ch'istella ses sa pius brillante
che una trizza fine de oro isoltu,
ti consumis pensende sempr'amante
senza mi dare nessun'accunortu,
si non t'haere idu bennid'a portu
pius allegru minde dia andare.

Solu pro un'amante, altu gesminu,
ritira cussas nues dai su velu
ch'occultant sas ricchesas de su sinu
chi binchent in biancura nie et chelu;
non cues disizadas de continu
cussas melas de latte in tantu zelu,
sos amantes disizant un'anelu
si cussa diccia podiant lograre.

Padre Luca Cubeddu - Patada

bolos de fantasia

Bolos de fantasia

Pustis ti l’apo nadu

Su chi  in cor’ aio

Fit una friza  ispint’ in su fungutu

Tantu b’ apo pessadu

Poi  lu naraio

sas  trempas  ‘ue solu che   so rutu

Su meda  ‘e bi pessare

M’ at fatu  ilmentigare

De onzi  bicu  ‘ue  ch’ ap’ iscutu

Bolos de fantasia

Cuan  galanas bozas  ‘e belosias…

forz' e voluntade

forz' e voluntade

Istrinta ses a mie

Ti coglio onzi mamentu

Apo bisonzu  ‘e  ti sentir’ aculzu

Tenera  cadadie

Mi porris  su cuntentu

Un’ iscuta mi tenes pro su bulzu

Mi naras “pesa rizu”

Lea su contivizu

E curre  finamentr’ a pes isculzu

Sa forza  de sa mente

Chi  dat  bona ‘ otza  a sa zente.

de Platone s'amore

De Platone s’amore

Tu’  anzonedda  ses sa poesia
chi mi sulenat a not’ e manzanu,
onzi mamentu  ses in mente mia
ti porro  unu asu fetianu.
Ses bella,  ses  comente una maja
paret  ti gita in prammu ‘e manu,
ses  cuss’ idea  manna de bellesa
chi onz’ amante at in  coro presa.

Ses tue  puma  de diligadesa
chi mi carignat  sonnios cadadie,
dae tant' in tantu cussa cuntentesa
mi das.. pessende  sias aculz' a mie.
Frimmas su tempus, ses sa giovinesa
chena pregunta "ne proit' e .ne chie",
de cuss' affetu c' amus intro 'e coro
nde faghes tue arte e su tesoro.

Ses cuss' amore chi est inteligentzia
chi no cumprendet 'ue est  mirende,
segas trobeas  de onzi rejone

ses tue in vida  sentid' e cajone.
Platone a tie ch' at postu  in sa mente
ses tue eternidade e sa presentzia.

frantzischinu Satta

Frantzischinu Satta






Lezes nobas
Tassas de cada casta, maladìas
pistichinzos, mannucros de loroddu,
promissas chi non balen unu soddu
manuzas malas, milli balentìas.

Su poveru, una ruche a cada coddu,
su riccu, semper prenu ’e galanìas,
nos affocat su coro ’e titulìas
incumentadas a s’affroddu affroddu.

E nois chene chìschiu e chene importu
sichimus a rucrare frittu e gana
semper istrintos in su caracolu.

Non s’adderettat prus su ramu tortu
si non fachimus lezes chi nos dana
frizzas de luche, granos de cossolu.
(F. Satta)


Lussorio Cambiganu 

Su tempus si che passat Franzischinu
Innoghe semper semus tribulende
Cand’ as cantadu a poberu mischinu
Sos tempos fin ‘ alu isperiende.

Como gighimus tot’ a malighinu
Su mundu paret chi siat morzende
Nara si tue in cue ses bidende
De metzorias si nd’ ides a vicinu?

Tue ch’ as passadu sa vida cumponzende
Versos d’ ispera e de bona sorte
Inue semus andende in custa bia?

Forzis d’ umanidate trista a morte?
O puru bolat che sa poesia
E a cuncoldia e pagh’ est preparende?