Niune est in terra sa zeltesa
Pro dare ‘oghe a sa limba mia
A bias fato brincos a s’iscuru
No m’ interessat d’ andar’ a chilvia
O de nd’ etare sa jann’ o su muru
At esser ‘olu chi sa fantasia
M’ ispinghet e mi ponet alas puru.
Gai so fatu.. e gai mi leo
No mi nde ‘anto .. e no mi pento eo.
Che totu apo miseru e bonu
Chi dat colore 'e cumpoltamentu
Su debile pustis chilcat peldonu
De forte bi restat unu mamentu
Umile faghet de isse su donu
A chie bidet ch’ est in patimentu
Ma no porrit gratzia e cortesia
A su chi pessat d’ aer soberania.
De dubbios bi restan veridades
Zeltesas ponen zegu a sa vista
Comente milli autoridades
Onzuna est divesci’ et egoista
Niune est in terra sa zeltesa
Francu chie de nudda at sa peltesa.
Nessun commento:
Posta un commento