ballu a tenores

Ballu a tenores

Cantat  sa prima  ‘oghe  ‘ e su tenore

Su  c’ apo nad’ e post’ in poesia

A tie   apo porrid’ a prima ‘ia

Impare  unu matul’ e  fiores

Sa contra chin su bassu it’ onore

Paret un’ orchestra  chi bi siat

Sa mesaoghe  li dat armonia

A sa cantone fata pro  s’amore

Como si pesan  ballos d’allegria

Ponzende fatu  a sas rimas bellas

In sa piata  a lugh’ e istellas

M’ abbizo  che a issas brillaias

Cussa ch’ intendes est sa ‘oghe mia

Chi coro tocat che sa tarantella

Posta  ti  l’as  che sola  sentinella

De musica  in perfeta   sinfonia

Ballade  custos versos tot’ impare

Ajanos chin sa menzus gioventura

Ballade  chena dudas o paura

Ammentu bonu bi podet restare

Si posca  chi su ballu at a pasare

Azis a tenner  de fiores cura

Forzis  custas paraulas bos duran

Cando las azis  cras torr’ a cantare .