bufende..!! (Pintore, Black, Masia, Cambiganu)

Giuseppe Pintore

Apenas chi su bumbu,
che jompet a chelveddos,
tando sa conca faghet disattinos.
Che su tamburu tumbu,
faghet e so faeddos,
ch'essini s'en'oldine peregrinos.
Culpas de sa natura,
non bat arte ne cura,
ue sunu so sanos determinos?
T'imparo una trassa,
no as'arte a chi l'ada la lassa.

Inizio modulo

Paola Black ---

Chi est de bassa lega
su bin' in su cubone
arribat a cherveddos aghedadu
nemmancu Santa Rega
in conca bi la pone'
sa manu pro chi siat mezoradu
s' istil' e sa sustantza 
ca tropp'est sa mancantza
e tropp'a su *tenagh'at ispuntadu...
...s'est malu gia' su mustu
feguradi su 'inu d' it' at gustu...

Francesco Masia 

S’omine chi a binu ada s’amante
preferidi su ruju cà pius sanu
lu buffat e lu gustat pianu pianu
gai sa bentre nd’è rezidi pius bundante
de ancas resultada pius calante
ma de conca pius bonu e umanu
non cheret fattu iscontu e iscalu
si pro casu faghet binu malu

cà diventada legosu e arrogante
e fogosu si mustrat in s’abbaidu
ma pius non intrat in erettu aidu..

Lussorio Cambiganu 

Peppe chin Paulina
An fatu com’ a pare
Cantende a sa solita manera
Custa in undighina
La cherene contare
De ‘inu e solenn’ imbreaghera
Che Bacco amparadore
Est su menzus duttore
Buffare e cantare a trallallera
Chin custa m’ isto mudu
Mi alcio taz’ e inu.. a bois saludu !!!

Fine modulo