Ite bella idea .. chi nos dat

Ite bella idea .. chi nos dat

Ite bella idea.. sa natura

Nos dat ..  in donz’ ocasione

A bi pessare, si no b’at paura

Si podet fagher sa rivoluscione

Cuntra  tirannos e cuntr’ a sa fura

De  sos diritos  e sa costituscione

De  ideales  chi faghen pessare

A  cantu bene si podet ‘istare-

Natura !! de Sardigna generosa

 aite  restas  goi sufferente?

Ammenta  ch’ est  ‘istada valorosa

Ateros tempos  passados,  sa zente

Pro me,  su menzus  est  cussa cosa

Chi narat “bastat chin su continente”

Isco chi custu no podet bastare

Bisonzat prima a tie de  amare.

Terra, ses terra  cando  t’ ido tale

Si no.. pianta ses chi no dat   frutu

Comente mama  unic’ e   prezisa

Gai  tue  s’ afetu  das  dezisa

Si alu  restat ritzu e no nd’ est rutu

Alciamus  de Sardigna s’ ideale.