sa resolza patadesa

Sa resolza patadesa

Tue   motiv’ e cantu,  ses presente:

Remunnu ‘e Locu  t’at maleitu,

 dae Bitti posta in  gulpa  e t’ at in mente

Pro sambene ch’ inie  as fat’impitu.

Canale est  bistadu  previdente

Fatende   pro sa corrina s’ abbitu

Chi como totu naran sa resolza

Ca  fiama  gighet in sa  cuadolza

De Montanaru sa pius lughente

Lepedda fiammante patadina,

Sempre l’ at gita in vida presente

Dae sa festa ‘e santa Caderina.

'Antados  dae mastros  sos dischentes

C’ an  postu  in mes’ e maniga corrina

Sos Bellos e sos Zintos  l’an  cumpresa

S’ arte  de sa resolza patadesa. 

Semper pinzu  bramadu e presente

in bidda chi l'at  naschidu  s' idea
in manos de pastore e de balente
ses tue motiv' e gloria e de pelea
ispalta  ses  in donzi continente
ti copian..  ma tue restas sa dea
tue chi ses rejna e ses famada
resolza de numen .. ses sa Patada