'olende

olende

Olende,  olende, olende sempr’ in altu

Che pigat…  e pius   paret  minore,

Su  ‘olu  chi sigo de cuss’ astore

Muntesu  dae  sas currentes de maltu.

Sas alas tenet  isse  tot’ ispaltu

Fatende  giros  chi paret pintore,

Pinzellat   s’  aera   de   colore

Peldendendesi  tra chelu  e cussu saltu.

Potende fagher d’ isse  su  senteri

D’ aer  sa forza e sa lezeresa

Cuss’ armonia  chi a chelu lu ligat

Gai  comente.. inie che pigat

Tio mirare de mundu sa bellesa

E  poder  pingher d’ issa su penseri.