destinu

destinu

Su zeniu c’ at unu
Lu ponet cadadie
A fagher pius dannu che profetu
Chena grabbu perunu
Istat a rie-rie
De chie andat in vida zeretu
No est mala solte
Cando lu ferit molte
Si l’at chilcada iss’ in donzi tretu
Cussu malefadadu
Sa gulpa forzis at ilmentigadu

Como   est pibiadu

Ma no li faghen festa

Naran  “sa vida  est solu tiranna”

Sa  gulpa l’an betadu

Chi coglit sa tempesta

De ateros chi  bi l’ an fatta manna

B’at  neghe e rejone

Niune est campione

Su ‘entu  faghet girare sa canna

At esser su destinu

Atesu  podet esser o vicinu

Zeniu e fantasia

Sun dotes naturales

Postas in manu  pro las impitare

Cando  si leat bia

Bi sun  benes e males

Est cussu  su mament’ e ischirriare

Chie faghet abusu

Ateros in bon’ usu

De artes, bonas proas  pro nde dare

Chie ‘ endet su sinu

Li restat  solu su diciu “meschinu”