ilgonzosa

'ilgonzosa..

Luna ..chi faghes tue, fazile rima

Chin  verbos e paraulas: che fortuna

Leadas  dae su coro  una- una

Pro donare a tie  ammiru e istima

Dea  de  sa bellesa .. che a mancuna

Amante de sa note .. ses in chima

Sulenu  de su cor’ e de s’ anima

Astru lughente de su chelu.. luna!!

Totu  t’ an  nadu de cantu ses bella

Pinta totue .. in sa roca isculpida

Ma  ses solu sa lughe riflessa

D’ ater’ isteddu chi ti faghet fessa.

Cando su sole faghet s’ arveschida

 Ti cuas  ilgonzosa.. a   s’ istella”!!