s' istoria

S’ istoria

S’ istoria est de tempus passadu
Fotografia, e de vida ammentu
Mischinu populu ismentigadu
Chi pessat d’ aer bolad’ in su ‘entu
No at idea poveru castigadu
De su ch’ est como, ne tra annos chentu
Ponet fatu a sa prima frina
Ca li mancat dae tuju s’ ischina

Sa zente chi ‘etat bonu sermentu
Coglit su frutu in donz’ istajone
No timet caldu e nemmancu fritu

a su destinu no ‘istat apitu
Est isse de s’ istoria padrone
In sa frimmesa o cambiamentu.