pro cantu vida podet arrivire...

Pro  cantu vida  podet arrivire…

Sempre bella  ti  penso terr’ amada

Cando  leo  de’ coro sentimentu

M’ illiminat  a ojos  sa  mirada

 Abbaidend’ a tie  car’ a bentu

Osaspera  sa  janna de Patada

Tempos passados de cambiamentu

Inie   lacanas de   Logudoro  

Si  tocat sa manu chin Nugoro

Al’ e suelzos coberin sa manchina

Falend’  a faca  ‘e Mariann’ e Ledda

Pustis  m’ aparit  sa manna pischina

Chi prim’ ammentaio minoredda

Lerron  si mustrat,  maestosa rejna

Da’ Oliteta .. bundante funtanedda

Pustis che falo a s’ adde 'e Molinu

E  bido    sa  idda  pius  vicinu

Assora  mi   frimmo  un’ iscuta

Pro cussa vista poder isculpire

‘ue  sos  tempos curren  pro andare

Mai  ti lasso in s’ ilmentigare

Pro cantu vida potat arrivire

niune t' at  a  bider mai ruta.