Faeddu connotu.
Tantos faeddos e tantos sos usos
Paret unu mannu continente
E puru una sola est sa zente
abboighende cuntr’ a sos abusos.
De custa terra su cor’ e sa mente
nos naran: “no siedas med’ illusos”
d’ aer pro sempre sa dom’ abitadu
ca peldere si podet .. coidadu.
De dannu podet esser su presumu
d’ aer fatu su garu in custa rocca,
s’ ammentu no bi restat isculpidu
si no si contivizat su sentidu.
Rezida no est grascia chi nos tocat
si faeddu connotu andat in fumu.
Nessun commento:
Posta un commento