Sa galdellina
Una puzone ‘e cantu canarinu
at fattu sa pasada su manzanu,
subr’ e una piant’ e mandarinu
chin notas frecuentes a pianu.
m’ana sighidu in totu su caminu
fatu m’an postu , fin’ a logu luntanu,
in conca m’est intradu cussu sonu
chi finas corpu e mente sun a tonu.
Est in natura cussa melodia
chi nos dat su manzanu in bonora,
cando si ponet pé , a bia..’ia
sos bonos passos chi nos gighen a fora.
Sighende cussu sonu in armonia
s’ idet die semper bell’ otora,
sos disaogos e totu sas pigadas
parene nudda in paris o faladas.
Nessun commento:
Posta un commento