possessu....

Su possessu

Potende fagher  como a bisu meu:

aio postu  calchi cundiscione

chi diat dar’ alenu  e recreu

e a donzi  criadura  un ‘ucone.

Fatu l’aio pro amor’ e Deu

e pro ochire su chi cuntra nos ponet,

cuss’ istrumentu  chi de s’umanidade

est  sa ruina, fog’ in disamistade.

Est maleitu cando  leat s’unore,

sa dignidade, in conca  su cherveddu,

onzi  pessada  inie est attore

paret  punza ficcada a malteddu.

Est  de s’anim’ e  coro  s’esattore

ca ponen  fat’ a isse  che cateddu,

paret s’abistu  fat’ eternidade

mischinu  postu est  in piedade.

Cando si mustrat chin sa cara sua

est  biculu  ‘e ferru ruinzadu,

oburu  de pabiru a sa cua

leat sa fromma  de chie l’at criadu.

S’avididade in su possess’ annua-t

no bastat mai, su ch’ at manigadu,

no premiat sa bona calidade

dat a su malu e bonu in famidade.