mercoledì 10 ottobre 2012

s' ingannu















ingannu

Totu est cominzadu chin s’ ingannu
dae sa manu chi l’ at generadu,
cando  dezisu at   Babbu Mannu
de ponnere  in vida su criadu.
Origine sa mela ‘e primu dannu
dende cominz’  a su primu pecadu,
pustis  s’ umanidade l’at sighida
in  s’ingannia mai  pius  finida.

Siat in   passadu  o istoria rezente
sempr’ est  ‘istada  sa prima lutrina,
de  leare  pro fessu   e deficiente
chie d’ onestade nde faghet madrina.
Siat  miseru che omine potente
intro che sun  in mantessi manfrina,
su primu  cheret  s’ ateru  sighire
pro l’ ingannare  e li poder pedire.

Chin tirannia pessat s’ imperadore
de podere su mundu guvernare,
chena  disizu perunu, ne amore
solu de su possessu  e cumandare.
S’ illusione  d’ esser  su faraone,
Deus in terra  de dever  venerare.
Est su pecadu   e massimu s’ ingannu
pro iss’ e totu  de si narrer tirannu.

Totu iscolas  de filosofia,
sa religiones   apalfidas in terra
nos ana nadu: “  sa rejon’ est  mia”,
ma  totu  pustis ..ch’ est finid’ in gherra.
Como chi naran  “sa demograzia”;
est a chie  concale a chie perra!!
S’ omine est nadu male ..est imperfetu:
paga virtude.. meda est su difetu.






  

Nessun commento:

Posta un commento