Milla s’abba..!!!
Milla s’ abba.. dae
med’ isetada
s’ aera pigurina l’est batende
lampos e tronos la
sun acumpanzende
e tot’ in d’ unu sa
die s’est ilfriscada
sa terra tot’ assada l’ est chilchende
in trapas dae meda est retirada
in d’ un’ iscuta li fuit su bobboi
pustis si cuat et ‘essit
su cocoi.
Paola Black
RispondiEliminaDeo, abba nde possedo bastante
ch' in conca mi muidat che turbìne
tevet essere su troppu machine
mancari chi no pioat custante
eppuru su coccoi est mancante
ne isco commente si coghinet...
...mandami tue, Rinu, sa retzeta
ch' iscumbato s'est menzus de sa peta...
Lussorio Cambiganu
Isse in furru o puru in padedda
Pustis chi l’as post’ a geunare
In Tathari li naran sa monzedda
Gai ‘estida chin sale in s’ ilfurrare
Chin bagna si faghet sa gioghedda
Picant’ e piberone de li dare
Cocoi mannu si faghet borgognone
Ripien’ e isse pane ratadu pone.
Paola Black ----
Tue pares su mer' 'e sa forredda,
de bona barra ses e cumpetente
retzetas de Sardign'e Continente
pro donzi gust' 'e innogh' e innedda
ma cùndid' a sa sola sa pischedda
de gioga minuda s'est piberente...
... ca chin su piberone guastas totu
no cherzo mi brusiet su connotu...
Lussorio Cambiganu
Gioghedda, zinzigorru e sa monzeta
Alimentan de ‘ucca su disizu
Pustis pibere ruju a maneta
In bagna chi bi etas in su pizu
Si pustis ti s’ iscaldit sa casceta
Impita abbaldente pro istupizu
S’ intendes in sa bentre movimentu
Alcia sa camba e bogache su bentu
Paola Black ---
Sena de piberon' e abbardente
istitadu mi ana fin' a manna,
si naras ch'est remediu potente
pess'a t' istupare tue sa canna,
bielu tue cando e comente
m'a mie no mi nd'attas a sa zanna...
...ca tando s'abbardent' e piberone
partint cun tegus a unu muntone...
la lingua sarda ha i colori e i profumi della nostra terra...in questo blog ci si immerge...bravi
RispondiEliminaciao Tetta.. anche tu te la cavi bene con il pennello del verbo...
RispondiElimina