cando ruet...

Cando  ruet..

Comente  si podiat pessare

de aer  samunadu sa ‘este,?

O puru  chi si potat  curare

chin pingulas  sa runza e sa peste?

Sa maladia  de su malafare

sempre  ‘istada  e presente est,

si podet abbacare un’ iscuta

cando   sa fid’ a terra nd’ est ruta.

Narat su diciu chi “su mund’ est gai”!!

pro poder   bistare in su presente,

“s’ omin’ est  custu, no cambiat mai”

pro   dare pag’ ispera a sa zente.

Sempre in chilca ‘e  penas e guai

pustis diventat  pèus delincuente,

e solu cando  sa domo  nd’ est ruta

si pentit  e  fin’ isse  cambiat muta.

Est tando  chi  torrat  su passadu

a cando giogaiat  innozente,

f it  cuntentu  de l’aere nadu:

“ite bellu pizinnu  promitente”.

Su sonniu como pius disizadu

est d’ ider  una lughe potente,

chi  intrat dae fundu ‘e sa gruta

pro  lu pigar’  a chelu un’ iscuta.