sabato 17 agosto 2013

oje, Tottu a biddha















Auguros de bona festa a Silvestra e a totu sos orunesos

Cando b’at alu forza in si disizu
D’ aer unu mamentu tot’ impare
dae Cucuretetti ses in pizu
mirende sas garreras pienare
d’ Orune muntenes s’ ammentu rizu
sa zente giamas e faghes torrare
de mama e de ‘idda bi nd’ at una
chi dat sol’ una ‘olta sa fortuna.




Chie  dae s’ ammentu
Faghet su presente
Ischit ‘ue andare in benidore
Tue su coro as tentu
Impare chin sa mente
Porrend’ a totu  frunzas de  amore
Sardigna o continente
Est  bennida sa zente
a s’ oghe tua  d’ Orune ambasciadore
tue.. arte e poesia
la  ‘ogas  dae s’ anima lebia..


^^^^^
Su sole de Orune sorridente
Est cussu chi si cuat a sas cosas
Solu a su cuspetu ‘e mariposas
Si mustrat  in su coro de sa zente
Solvet  sa duda  d’ omine difidente
Abberit  de  domo sas ventanas
Tesset  sa seda  e  brujat sas lanas
Dat  pasu a coro e gosu a sa mente

Una istrinta ‘e manu  e tot’ in tundu
Totu ballan a passu ‘e  dillu
Antigos cantos  s’ alcian in s’aera

Est tando chi nd’ essit s’ anima vera

Accollu su balente.. est isse millu !!

“bene a cumone”.. chi binchet in su mundu..


Nessun commento:

Posta un commento