Kelledda
Una cantone a tie Kelledda
Oe preparo ..e siat in bonora
Tue noale de Sardigna istedda
Sighi semidas noas d’ Eleonora
sinnu pessighi semper che catedda
Su ego ..ochi che acabadora
Ammentadi de faeddar’ in sardu
.. b'at sempre tempus.. no est mai tardu..
Una cantone a tie Kelledda
Oe preparo ..e siat in bonora
Tue noale de Sardigna istedda
Sighi semidas noas d’ Eleonora
sinnu pessighi semper che catedda
Su ego ..ochi che acabadora
Ammentadi de faeddar’ in sardu
.. b'at sempre tempus.. no est mai tardu..
Proite podet andare bene.
RispondiEliminaPro sa prima ‘olta una femina, una sarda, una a in foras de s’ aparadu de podere, si alciat sas coeddas e si ponet sos bulzos pro chilcare de movere sas abbas bujas chi nos sun issaeschende dae maigantos annos.
Kelledda Murgia, a cantu paret est andende a conca bascia, chena chilcare arrambos perunos, si no chin sos arrejonos suos fatu su logu, dende ocajone de cunfrontu, e die chin die fraighende su penseri politicu e su progetu sou pro sa “Sardigna possibile”, a cumone chin sa zente chi abbojat e li pedit escrusiones de su tema.
Zeltu est chi at cogliudu su mamentu ‘onu, cantu sos ateros sun alu isperiendesi in tundu, pro ‘idere cal’ est sa menzus posiscione pro si garantire una cadrea in via Roma e in totu sos ateros palatos ispaltos in Casteddu, issa est atraessende tota s’ Isula e apende cuntatos chin sos sardos delusos e arrosciados dae sa politica ‘etza. Tantu tempista chi at brujadu finas sos bobbois de noa zenerascione.. chi a cantu paret sun timende s’ accabadora comente su tiogamma.
Alu est chito pro narrer chi semus a innanti de sa pessona giusta.. ma unu raju ‘e sole at isperradu sas nues pigurinas chi an cuadu su sole pro tropu tempus… isperemus in fadu ‘eretu e chi Kelledda muntenzat sas promissas chi est ispalghende fatu su logu.