.. e bida l’ amus .. torrend’ a fiorire
Brujat su coro..
fiamas de’ ojos
Tot’ in chejina ‘onzi
pessamentu
Ispintu dae s’ astiu e dae su ‘entu
Su male chin su fogu
in sos addijos
S’ animu e donz’ isetu morit lentu
Oltende in tristu
fadu, bellu e gosos
Omines de’ naschida imboligosos
Cuntra bene cumone e
su cuntentu
Sos montes e sas baddes
pigurinas
Pianghen cussu dolu causadu
Sa terra cantu amada de Sardigna
Tantu offesa .. no si faghet matrigna
Semper a totu issa at peldonadu
E bida l’amus..torrend’
a fiorire.
Sa malesa ‘e s’ omine
RispondiEliminaNo b’at nudda in cant’ a malesa
De poder a tie paragonare
Omine chi ti brujas sa bellesa
De poder a mama tua amare
Sa morte t’est intrada in lestresa
E gosas solu in s’arruinare
Su coro est nieddu che titone
In conca sa chejina ‘e muzigone