Die colorida
Mi paret una die
colorida
Ma no resess’ a bidere comente
Una frigur’
istrana m’ est presente
Al’ in prozetu .. chi
no est naschida
Mi paret una truma
sorridente
Chi dae su patimentu nd’ est bessida
Pustis de malas pagas
resessida
A narrer “che so eo..
in mes’ e zente!!”
Franghidebos barones
d’ ambiente
Bancheris e
burocrates d’ ufisciu
Politigos chena
cara dezente
Totu leados dae poder’
e visciu
Chi’ e tribagliu no l’at o est patende
Pro gulpa ‘ostra .. sa vida est cossumende.
Giornata colorata
RispondiEliminaMi sembra un giorno di colori
Che non riesco bene a focalizzare
Mi è presente una strana figura
Agli albori.. che non è ancora nata
Mi sembra una folla sorridente
Che stia uscendo dai patimenti
A seguito di cattive paghe .. riesce
A dire “ci sono anch’ io.. tra la gente”
Spostatevi baroni ambientali
Banchieri e burocrati d’ ufficio
Politici dalla faccia indecente
Tutti presi dal potere e dal vizio
Chi il lavoro no l’ha .. sta patendo
Per colpa vostra .. la vita sta consumando.
Poeti Improvvisatori *
RispondiEliminaMalos annos chi colent totu cantos
da' como innantis fin'a sa morte
e da' s'issoro tribuli'e piantos
nde tenzant sos opressos menzus sorte.
Lussorio Cambiganu
Tue poeta improvisadore
Da’ Uthieri pesas custu gridu
Cubeddu e Pirastru as sighidu
Pro cantare de populu dolore
Ma como chi benit su mai bidu
Forzis ‘oltamus peleas in amore
Finas Patada a lacanas d' iscias
Chin Uthieri faghen sas cosas miscias
Poeti Improvvisatori *
Othieri at dadu forte signale
e Patada no est bistad'a coa;
tot'umpare podimus fagher proa
adderetende su ch'est andende male
e si non bastat cust'undada noa,
gia b'est semper s'oju e sa istrale:
a ch'ogare da' conca s'idea mala
de politicos ladros de ogn'ala.
Lussorio Cambiganu ^^^^^^^^
Si no bastat s’ istral’ e su falzone
Movimus sa paraula bene nada
Cussa chi falzu mai peldonada
E ponet s’ ozu santu a fulcone
Ness’ unu pagu de baga nos dada
D’ ischire ch’ amus mortu su mazzone
Gai pesamus ballos de cuntentu
E los bolamus che pior’ in bentu
Francesco Masia
A Pattada e Othieri setzis bantende
ma a Tula bo l’atzis ismentigada?
abbaidade chi l’acciappades in falada
cando dae cussas biddas setzis falende
si setzis istraccos e isalenende
dade bos umpare una pasada
in s’intrada acciappades una colonna
e a bratzos abertos bos retzidi sa madonna..
Poeti Improvvisatori *
Bonas paraulas e bonos sentidos
non bastant cun sos male intragnados;
ca sun bistados mal'abbetuados
e-i sos resultados si sun bidos;
ca como chi si sun ben'ingrassados
non lis piaghet a torrare famidos
e non bi cheret pius paraulas
ma giaos colpados in battor taulas.
Francesco Masia
Suni in situ sos bonos risultados
chi dae urna tulesa sun bessidos
meda politicos sunu a tunciu e tuscidos
cà oramai paren dae tottu ismentigados
si atteros tempos sun’istados esaltados
oe dae conca de tzente che sun fuidos
isperemus chi tottu custu marigore
servada a lenire de populu su dolore..
Lussorio Cambiganu ….
Jaos afissos a sas ungias ladras
Pitiche a sa limba faulalza
Pro falzu risu su ferritu a laras
E su destinu in manu de majalza
caratz’ e pighe pro totu sas caras
o pur’ e mele chin espe terralza
tantu pro cumpletare cust’ auguru
filiferr’ ispinosu a su seguru
Francesco Masia
RispondiEliminaCuddos cortzos cantu li cherides male
pro cantu ana fattu in mala faina
sunu attaccados a poltrona che orighina
e si nd’è los’istaccas pro issos est letale
cà ormai sunu abituados a Roma capitale
e si nd’è torrana solu mortos a istrichinina
sa curpa manna est de chie los’at votados
e comente deos in su tempus adorados..
Poeti Improvvisatori *
Sas manos nde cheriana segadas
e inferchidos in ojos sos didos
e a sa tzega in mandras tancadas
lassados in mes'a porcos famidos.
E cando custos fatos sun cumpridos.
tando bidimus sas cosas giambadas
Ma fin'a cando cussos torrant alenu
nos tocat de ingullire velenu.
Francesco Masia
solu sas manos non bastat
truncada cheriat sa conca
tantu faghene chei sa tonca
chi a de die cuada imbarat
sa fatza de cartone non mancat
e istana a su cra cra chei sa corronca
cando dae parlamentu lean sa bolada
fin cherfidos leados a fusilada..
Lussorio Cambiganu ^^^^^^
A sa bona cossizat cambiganu
De bos leare ateru cunfine
Faghide sa valigia a pianu
Prima chi siat bennida sa fine
Pustis pigade un’ aeroplanu
A sa cua faghidel’ in mudine
Ca si bos biden sos arrabbiados
Bos pentides finzas d’ essere nados
Francesco Masia
Lusuriu ormai sun collocados
e niune nd’è los podede istradicare
sòs chi los’an cherfidos candidare
cussos fin cherfidos iscannados
cà in lista serrada indicados
in manera chi,cussos devisti votare
si poi arga de isterzu nos’ana dadu
pudescia mala nos’amus leadu..