Pier Paolo Pasolini, Supplica a mia madre (dae sa poesia in fromma ‘e rosa)

Pier Paolo Pasolini, Supplica a mia madre (dae sa poesia in fromma ‘e rosa)

Est difitzile narrer chin paraulas de fitzu
Cussu chi in coro pagu assimitzo.
Tue ses sa sola in su mundu chi ischit,
de su coro meu, cussu chi est ‘istadu semper,
prima d’ onzi ateru amore.
Pro custu ti devo narrer cussu
chi est malu de ischire:
est intro sa grascia tua chi naschet s’ angustia mia.
Ses insostituibile.
Pro custu est dannada a sa soledade
sa vida chi m’ as dadu.
E non cherzo esser solu.
Apo unu famine chena fine de amore.
S’ amore de carenas chena anima.
Ca s’ anima est chin tegus, ses tue,
ma tue ses mama mia e s’ amore tou est s’ isciaura mia:
apo passadu sa pitzinnia isciau de custu ‘essu mannu,
chena remediu, de un’ impignu fora mesura.
Fit s’ unica manera pro intender sa vida.
S’ unica tinta, s’ unica fromma: como finida.
Subrabivimus: et est sa cofusione
De una vida torrada a naschere fora de sa rejone.
Ti suplico, ah. Ti suplico: non chelfas morrer.
So’ innoghe, solu, chin tegus, in un’ abrile benidore…