Mama nostra ‘e Bonaria

Mama nostra ‘e Bonaria

Bonaria, abbaidende s’ Argentina,
dae sa chima ‘e su montiju anticu.
dende  palas a s’aria levantina,
pasada  in armonia chin su sicu.

de Mama nostra b’as postu dimora,
a s’isventura de sos marinajos, 

riparu zeltu as dadu at ’onzi ora
in domo nostra.. terra ‘e casteddajos.

Come ses tue sa rejna santa,
amparu folte ses de  sa Sardigna

pro nois ispera manna tota canta,
finas si de a tie no est digna.

Ajua totu sos abbisonzados,
muntede folte in nois sa fide

peldona  debilesas e  pecados,
abberi ojos a chie pagu bidet.

bijones  intr’ e s’ anima e su coro

de su bisonzu santu e beneitu

richesa vera..pius de cantu s’ oro

lassat sa rejone. sempre apitu. 

Pregadorias pro te no bastan mai,
pro sa Sardigna e chie bi ponet passu
pro  sas anzones fatu  arguai,
daeli folza e fide in d’onzi zassu.