Otieri

Otieri

^^^^^^^^^^

Inue  ses  finida  Otieri?

Su Logudoro t’ est pianghende

Dae  s’ olt’ e su conte pius no feris

In sos  zillerris d’ adde  sun chilchende

Ammentu no as  pius dae oe a deris

Cand’ olaias  e in chelu  fis pasende

Iscolas, ispidale  e ufiscios

Sa vida  e caddos curriana liscios

Sas tancas, oltaliscias e sos ‘ulos

Parian  dae pintores pinzellados

Sa poesia  curriat a sulos

Sos versos chin Cubeddu sun bolados

Fatu su logu garrigos che mulos

Totue  los an bidos  e iscultados

Narami como proite ses cuadu

Tue chin m’ as s’ istudiu imparadu?