tempus passadu...(poeti improvvisatori, Pintore, Masia, Cambiganu)

tempos passados

Lussorio Cambiganu

Sa terra ‘ue pones raighina
est solu pro un’ ora passizera
su tempus de abbasciare s’ ischina
pro ti l’ asare che a mama vera
pustis t’ aceras a sa sort’ edrina
chilchende de cumprender sa manera
comente menzus poder ‘istare
in tempos chi che deven colare.

Inizio modulo

Poeti Improvvisatori *

Su bisonzu, mover faghet sa zente,
su 'etzu, narant chi fatat cùrrere:
e no est dadu a ogni vivente
chi 'ue naschet bi devat mòrrere.
Dognunu at destinu diferente
e mai est su chi diat chèrrere:
siat in logu sou o istranzu
un' istat bene 'ue b'at balanzu!

Lussorio Cambiganu ^^^^

Gai est.. comente naras tue
In versos de poesi’ e Uthieri
Sighidos sempre dae sa nue
Chi faghet istranzu e furisteri
‘ue si siat in su mundu chi ruet
Pessat a cras.. isperiend’ a deris
Pro cantu in sa conca si lu cuat
In mente restat terra mama sua.

Giuseppe Pintore *

Sa vida s'afronta cun coraggiu,
pro cantu siat su terrinu rude.
Ca innoghe semus de passaggiu,
siat curtzu o longu non bi dude.
Sighire lu devimos su viaggiu,
menzuzs coronadu de virtude.
Solu chi aboltas cussa mancada,
e tando a so viscios s'afiancada.

Francesco Masia

 Si tempus che devo passare
cà mi restat curza caminera
andende si ch’est primaera
e mi restat solu su poetare
cando tzovanu podiu tribulare
m’arrangiaio in cale siat manera
como decrepitu e antzianu
tribaglio solu cun pinna in manu..

Lussorio Cambiganu ^^^^^^^^^

Peppe, Franziscu e s’ improvisadore
Dae Codaruina amiga Teta
de su tempus passadu e benidore
impitamus chin s’ anim’ e poeta 
tot’ a s’ indonu damus su valore
de sas ideas e nudda nos isetat
si no cussu chi est su cossolu
de no esser ‘istadu mai solu.

Giuseppe Pintore *

Mai lu semus solos in sa vida,
chi non ba zente bes sa natura.
est'issa chi nos curat e guida
est'issa chi nos guidat e cura.
cando cuntentos cando in tristura
a donni die damos sa benennida.
Tra passadu presente e futuru
de colare vida ona e s'auguru.