zigantes de Monti Prama

zigantes de Monti  Prama

Proite pagu si faghet e narat
d' istoria chi alu drommit sola
faeddat de pedra sa cara
chi narat de" tempus chi colat"
zigantes de bellesa rara
leados a sa meriola
isetan d' esser iscobiados
segretos dae semper cuados.

sos ojos  disignados in tundu
nde faghen  de zenia isconnota
poden benner dae totu su mundu
pro nd' aer  s'assimizu   connota
dae seculos  interrados in fundu
testimonzos  de cuss' era remota
e como  chi los amus ischidados
dimandas e dudas nos benin dados 

campagna di boicottaggio delle elezioni europee per il rifiuto del Parlamento italiano di far votare i sardi in un loro collegio unico.

Politica iscoldiolada

Isco chi sa politica.. a bias
Faghet bolos altos che s’ astore
Comente umile servu pastore
Chi faghet brincos mannos for’ e rias
Si pessat d’ esser un’ imperadore
Padronu de sas menzus poesias
Pustis a punta fica ruet a terra
E versos s’ iscoldan che sa chiterra.

Chie pessat d’ esser Napoleone
Ma d’ isse nd’ at solu sa carena
Ite lastima!!mi faghet sa pena
Cando saludat a sa votascione
Ligadu a sa solita cadena
De su podere nd’ at s’ ambitzione
Apenas si che sezit in cadrea
Su saludu e su restu mi leat.

Pro poder pesare.. a sas europeas bisonzat de NON VOTARE

Pro poder pesare..  a sas europeas  bisonzat de NON VOTARE

Mi naras de votare s’ Europa

Ma  non mi das su modu de votare

Sa zente sarda  a tie paret tropa

Cando pedit diritos de  onorare

Mi catigas che  in brajeri  copa

Promitis  e nudda  mi cheres dare

E tando custa bia mi nd’ onoro

De narrer  “NON VOTO” dae su coro.

Nachi populu ses.. nde faghes bantu
E tando com’ est s’ or’ e lu mustrare
Lassa perder paraulas de piantu
Su votu non lu deves negusciare
Dadu chi cust’ istadu nos da tantu
Chi s’ Europa nos cheret negare
Sas gratzias li torro comente poto
E li promito chi eo “NON VOTO”

bellesa 'estida

bellesa 'estida

comente bestis tue sa bellesa
gai Sardigna s' estit in natura
fiera de s' antiga nobilesa
chi dae sa prim' ora semper durat
nodida de valores sa richesa
donzi dizisu ateru non curat
pro cantu biven alu sos colores
in terra an a brotare sos amores.

mamas d' orune

mamas d' orune

lughida vena, abba maniantale
Chi curat donzi dolu e disisperu
Mamas d’ Orune in su cabidale
Dan su carignu in fronte, sinzeru
Semper presente e gai sodale
De incunzare su mundu interu
Siat de gloria che su patimentu
Tot’ intro ’e coro si lu gighen tentu

a G.M. Angoy

a Giuanne Maria Angioy

Sa forza de sa mente est in natura
Sa vera dispenser’ e bona sorte
Issa dezidit sa vid’e sa morte
De inimigos non tenet paura
No at bisonzu de santos in corte
Ne chilcat de sa vida iscasciadura
Sighit semper su puntu prezisu
De s’ ideale chi s’ est dezisu