si tio poder....

Si tio poder

Si  tio poder  esser  de sulenu

aio  fatu   meda  poesias,

de cussas chi  mi essin a bias

chena chilcadas,  a filu 'e alenu.

Sas pius  lezeras  rimas de sas mias

chi tantu  renden  su coro serenu,

sa dulche melodia  chi  penseri

bolat  in fantasia e ‘ue che ferit.

A su dolore  li tio narrer “marranu!!!”

“aite tue nde faghes  presentzia?”

“Forzis ti pessas  de sa vid’ essentzia:

 chena s’ ijerru no benit su beranu?”

B’at  esser puru un’ intelligentzia

chi siat  pius  de tene soberanu,

bene !!  in  sa vida  sun sos  disizados

finas  si  males   no  sun mai mancados.

A sa bellesa la tio incorniciare

tota impare,, intr’ e coro meu,

a modu  ‘e poder  dare recreu

a chie cheret  su mundu amare.

Pustis  nde  tio fagher bon’ impreu

dendel’ a   chie la pedit   pro   istare,

pro poder  isse un’ atim’ in sa vida

coglire  de sos  gosos   pibinida.

Si tio poder esser  de ajudu

aio fat’  unu cumponimentu,

chi tiat esser pro totu  ammentu

cando a sa vida si dada su saludu.

Est propiu   tando,  prezisu  mamentu

nos ammentamus  d’essere fatos de ludu,

totu presumos,  vanesios,  e richesas

perden  sa  forza   e torrat sa bellesa.

che sole...

che sole...

Che sole  luminos' in s’ambiente

ses tue sa calura  intr' e   su coro

s’ istella  calda  pius  risplendente

Chi brillat  in sos ojos chei s’oro.

Totu aculz’ a tie est sorridente

de sa presenzia nde faghes tesoro

Ses  tue cuss’astru   in su firmamentu

chi est  bramadu pius d' ateros chentu.

de sole  nd' as leadu  s' assimizu
chi faghet  fiorire  onzi  pianta
intras che lughe in donzi ventana

s' abberit  a tie.. sulenu b' ana

onzi puzone  manzanu ti cantat
sas melodias chi as a disizu

sa gemella..

sa gemella




Un’ atera gemella apo idu
Deris  a chito 'e primu manzanile,
M’ at nadu : “no l’as alu ischidu
chi sa Sardigna at una simile”?


“no”   l’apo nadu , “ u’ est, in cale lidu?”
Issa respundit “est s’ era giovanile
cussa ch’ amus amadu e connotu,
chi poi passat.. e pianghimus totu”.

alenu 'e core

alenu  ‘e  core

Feminas.. sezis bois chena tempus

su ch’ est passadu .. bos  at  pinzelladu,

in su presente sezis .. su chi semus

chena pessare a su ch’ est ‘istadu.

In d’ un’ incras   sezis  alu de prus

frutu de sa natura  maduradu,

no b’at pijas de cara  o dolores

chi bos potat  leare  sos colores…

L’iIschides, d' esser robba preziosa

sa  prim’ esigentzia   elementare,

dae cando su tzene  intro si posa

pro poder sa pessona preparare.

Intr’ e bois  noe meses si  gosat

gioghende  e imparende a nadare,

at unu tratu  chin forte dolore

dades a sa vida unu fiore…

Sempre  chin sa pretesa de s’amore

dades  a  donz’ ojada  atenzione,

a sa bellesa  faghides  unore

rendendebos  dignas d’atrascione.

Oltades   finzas  fritu in calore

cando  proades sa fort’  emoscione,

d’ aer in su presente a  favore

s’ alenu   chi  bi sulat in su core.

rinascimento

Rinascimento.

Dai mutamenti nei secoli formata

In forma  d’elegante  calzatura

Itala  pelle …  cos’ immaginata

Seguendone   i capricci di natura

Da  cento e più.. popoli  abitata

T’ an resa ricca d’ arte e di cultura

Ostello  delle menti  e di  ragion

Di miti,  di bellezza e di passion.

Madre sei  tu nei secoli cambiata

Sempre  dolor e gioie t’an  pervaso

dI fiumi che t’ han sempre attraversata

Gli  umori  d’ altrui  lidi  o lì per caso

Di gente  spesso mite compassata

che  scopre di Pandora adesso il vaso

dei saggi,  dei tranelli ed i segreti

di figli, di padrini  e  i suoi difetti.

Le lodi di taluno  ed i sospetti

Il  viver  bene  e chi la gogna inforca

I  critici poeti maledetti

La poesia  di    Garcia Lorca

Delle giocose  notti  e dei diletti

 vita  ‘si  breve  di sudore sporca

oh !!   Itala terra .. presa da sgomento

dai  tuoi  color..  ed il rinascimento.

criadura

criadura

Abbarrat un’ isteddu  al’ azesu
cando su sole faghet  s’acerada,
e-i  sa luna si ch’ est già cuada
a  segus  de sa note  ch’ est atesu.
Lughet in  ojos  mios  sa  mirada
cando  in firmamentu  est in mesu,
ammisci ‘e tantos astros luminosos
est   issa chi  mi leat sos ojos.

Issa  de s’ universu est s’istella
chi  faghet  sas piantas fiorire,
sa criadura la faghet drommire
e rendet  onzi  cosa pius bella.
Una cosa de te chelzo ischire:
Proite  mi faghes   sentinella?
Cando mi sento solu  bi ses tue
e  semper   fatu  ti gito  totue.

Sa criadura ti chilcat e ti giamat
pro poder  chin tegus  ricamare
unu mundu galanu de  amare
chin totu cussa lughe chi ti brillat.
Comente tie niune ischit pintare
su bon’ isetu chi onzunu  bramat,
tue  in me  ses  pizinnu minore
ses cussa criadura , ses s’ amore.

s' abbila... Paula Black, Lussorio Cambiganu

 S'ABBILA ---

 Paola Black

Un'àbbil' appo idu

'olende maestosa,

mi nesit chi sa rocca fit atesu:

luntana da' su nidu

bell' e pensierosa

alas ispartas e biccu protesu;

e in cuddu appentu

gherrande cun su 'entu

cuntrariu, sas armas no l'at resu...

...una pinnìa solu

perdesit, in amment' 'e cussu 'olu... 

Lussorio Cambiganu

De’ s’abbila su ‘olu
Tue leas s’ispiru
Pro fagher caminare fantasia
Unu penseri solu
Che jumpat su biru
De dare ‘oghe a sa poesia
Cuntrariu su bentu
Li dat su cuntentu
De suberare su chi est imbia
Poi a punta fica
Puntat sa serpe e su ol’ ispicat.